કોરોના વાઈરસ કહેર: શિક્ષકો કોરોના સામેની લડાઈમાં જોડાયા
પ્રતીકાત્મક તસવીર
શહેરમાં વધતા જતા કન્ટેનમેન્ટ ઝોન સાથે બીએમસીએ કેટલાક ગંભીર અસરગ્રસ્ત વૉર્ડમાં તેના શાળાના શિક્ષકોની સેવાઓ નોંધાવવાનો નિર્ણય લીધો છે જેથી કોરોના વાઇરસ રોગચાળા સામે લડતા પાલિકાના અધિકારીઓને મદદ મળશે.
કે વૉર્ડના સહાયક મ્યુનિસિપલ કમિશનર (એએમસી) પ્રશાંત સપકાલેએ જણાવ્યું હતું કે મેં શરૂઆતમાં દસ શિક્ષકો દ્વારા આ કામ શરૂ કર્યું છે, જ્યારે અમને તેમની જરૂર હોય ત્યારે તેઓને કામ સોંપવામાં આવે છે. કન્ટેનમેન્ટ ઝોનની સંખ્યા વધી રહી છે એથી તેઓએ ડેટા એકત્રિત કરવાનો રહેશે. સંસ્થાકીય સંસર્ગનિષેધ હેઠળના લોકો માટે ઘણા સંકલન મુદ્દાઓ ઊભા થઈ રહ્યા છે જ્યાં આપણે લોકોને ફરજ પર સોંપવાની જરૂર છે. તેઓએ કન્ટેનમેન્ટ ઝોન, લોકોની સંખ્યા, જો કોઈ રહેવાસી તબીબી કટોકટી હોય તો, કોઈ પણ પ્રકારની મદદની જરૂર હોય તો આની માહિતી અમારા સુધી જણાવવાની રહેશે. તેઓને કન્ટેનમેન્ટ ઝોનમાં અંદર જવું પડતું નથી. અમે ઝોનની બહાર કિઓસ્ક મૂક્યા છે અને શિક્ષકોને ત્યાંથી કામ કરવું પડશે. તેઓએ કોઈ પણ પ્રકારના સર્વેક્ષણ કરવાની જરૂર નથી અને ૫૦ વર્ષથી ઉપરના કર્મચારીઓને આ ફરજમાંથી મુક્તિ આપવામાં આવી છે.
ADVERTISEMENT
આ વૉર્ડમાં બીજા વૉર્ડ કરતાં વધારે કેસ સામે આવ્યા છે, જેમ કે અંધેરી પૂર્વ, જોગેશ્વરી પૂર્વ અને વિલે પાર્લે પૂર્વ. અહીં અન્ય વૉર્ડ કરતાં લગભગ ત્રણથી પાંચ ગણા વધારે કેસ છે અને છેલ્લી ગણતરીમાં ૨૫ કન્ટેનમેન્ટ ઝોન છે.
સોમવારે પ્રશાંત સપકેલેએ શિક્ષકો અને આચાર્યોના ટોળાને તેમની નિમણૂક વિશે જાણ કરવા માટેના પરિપત્રો બહાર પાડ્યા હતા. રોગચાળાના રોગો અધિનિયમ ૧૮૯૭ની વિનંતી કરી અને બીજા દિવસે તેમની ઑફિસમાં રિપોર્ટ કરવા કહ્યું હતું.
ગુરુવારે ફરજ શરૂ કરનાર પોતાનું નામ ન આપવાની શરતે એક મુખ્ય શિક્ષકે જણાવ્યું કે તેમને તેમના નિવાસસ્થાનની નજીકના વિસ્તારમાં જઈને કામ કરવાની જવાબદારી સોંપવામાં આવી છે. હું ખુશ છું કે આ કોરોના સામેની લડાઈ સામે લડવા હું પણ સામેલ થઈ શકી છું. હા થોડો ડર તો છે જ કે અમને કોરોનાનો ચેપ લાગી જશે. વધુમાં જણાવતા એમણે જણાવ્યું હતું કે અમને આ લડાઈ પહેલાં બધી પ્રકારની ટ્રેઇનિંગ આપવામાં આવી છે.