Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > કોરોનાની અસર: સેક્સ વર્કર્સને સતાવી રહ્યો છે ભુખમરાનો ડર

કોરોનાની અસર: સેક્સ વર્કર્સને સતાવી રહ્યો છે ભુખમરાનો ડર

29 March, 2020 03:33 PM IST | New Delhi
Gujarati Mid-day Online Correspondent | gmddigital@mid-day.com

કોરોનાની અસર: સેક્સ વર્કર્સને સતાવી રહ્યો છે ભુખમરાનો ડર

પ્રતિકાત્મક તસવીર

પ્રતિકાત્મક તસવીર


કોરોના વાયરસ (COVID-19)ને કારણે દેશના બધા જ મૉલ, મલ્ટીપ્લેક્સ અને બજારો બંધ છે. ધંધા પણ ઠપ થઈ ગયા છે. કોલકત્તાના સોનાગાછીમાં આવેલ એશિયાના સૌથી મોટા રેડલાઈટ એરિયાની સેક્સ વર્કર્સને પેટે પાટા બાંધવાનો વારો આવ્યો છે. તેમને ભુખમરાનો ડર સતાવી રહ્યો છે અને તેમના ભવિષ્ય પર અનિશ્ચિતતાના વાદળો ઘેરાઈ રહ્યાં છે. તેની પાછળનું કારણ છે કે કોરોનાને કારણે તેમનો ધંધો ઠપ થઈ ગયો છે.

રાજ્યના સેક્સ વર્કર સંગઠન 'દરબાર મહિલા સમન્વય સમિતિ' સરકાર સાથે વાતચીત કરી રહી છે કે તેમને અસંગઠિત ક્ષેત્રના કારીગરો ગણવામાં આવે જેથી તેમને નિશુલ્ક રાશન મળી શકે છે. આ સંગઠનમાં 1,30,000થી વધુ રજીસ્ટર્ડ સભ્યો છે. દરબારની એક પદાધિકારી મહાશ્વેતા મુર્ખજીએ કહ્યું કે, રાજ્યના જુદા જુદા વિસ્તારોમાંથી અમને સેક્સ વર્કર્સના ફોન આવી રહ્યાં છે કે તેઓ પોતાની પરિસ્થિતિ વર્ણવી રહી છે કે તેઓ કેટલી મુશ્કેલીમાં છે. બચાવવા માટે તેઓ મદદની અપીલ કરી રહી છે. મોટાભાગની સેક્સ વર્કર્સ પાસે કરિયાણું ખરીદવાના પણ પૈસા નથી. કારણકે કોરોના વાયરસને લીધે છેલ્લા 20-21 દિવસથી તેમનો ધંધો સાવ બંધ થઈ ગયો છે.



એક વરિષ્ઠ નેતાએ આપેલી માહિતિ મુજબ, રાજ્ય સરકાર સેક્સ વર્કરને નિશુલ્ક રાશન આપવાનું વિચારી રહી છે. મહામારી દરમ્યાન ગંભીર પરિસ્થિતીનો સામનો કરી રહેલી વર્કરો માટે દરબારે એક રણનિતિ બનાવી છે. તેમજ મહિલા અને સામાજિક કલ્યાણ મંત્રી શશિ પંજાને એ સુનિશ્ચિત કરવાનો અનુરોધ કર્યો છે કે, દેશના અસંગઠિત ક્ષેત્રને રાજ્ય સરકાર તરફથી જે લાભ મળે છે તે લાભ સેક્સ વર્કર્સને પણ મળે. તે સિવાય મકાન માલિકને એક મહિનાનું ભાડું માફ કરવા માટેની પણ વાત કરી છે. કારણકે સોનાગાછીની 30,000થી વધુ સેક્સ વર્ખર્સ ભાડાના મકાનમાં રહે છે અને દર મહિનાનું પાંચથી છ હજાર સુધીનું ભાડું છે.


Whatsapp-channel Whatsapp-channel

29 March, 2020 03:33 PM IST | New Delhi | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK