Covid-19 વિશ્વમાં સૌથી વધારે પ્રભાવિત રાષ્ટ્રોમાં ભારત 10મા સ્થાને
પ્રતીકાત્મક તસવીર
વિશ્વભરના દેશોની સાથે સાથે ભારતમાં કોરોનાવાયરસના કેસ સતત વધી રહ્યા છે. દેશમાં કોરોના સંક્રમિતોનો કુલ આંકડો એકલાખ 39 હજાર નજીક પહોંચ્યો છે. સ્વાસ્થ્ય મંત્રાલય તરફથી સોમવારે જાહેર કરવામાં આવેલા આંકડામાં કોરોનાવાયરસ દર્દીઓની કુલ સંખ્યા 1,38, 845 થઈ ગઈ છે જ્યારે આ વાયરસને કારણે મરણાંક ચાર હજાર પાર એટલે કે 4021 પર પહોંચ્યો છે. તો છેલ્લા 24 કલાકમાં કોરોનાના 6,077 નવા કેસ સામે આ્યા છે અને 154 લોકોના મૃત્યુ થયા છે. છેલ્લા 24 કલાકમાં નવા કેસનો આ આંકડો સૌથી વધારે છે. આ પહેલા રવિવારે 6767 નવા દર્દીઓનો આંકડો સામે આવ્યો હતો. જો કે, રાહતના સમાચાર એ પણ છે કે 57,721 દરદીઓ કોરોનાને માત આપવામાં સફળ થયા છે. રિકવરી રેટ વધીને 41.57 પર પહોંચી ગયો છે.
કયા દેશમાં કેટલા કેસ
ADVERTISEMENT
| દેશ | કેસ | સક્રિય | સ્વસ્થ | મૃત્યુ |
| અમેરિકા | 16,43,246 | 11,78,790 | 3,66,736 | 97,720 |
| બ્રાઝિલ | 3,63,211 | 1,90,634 | 1,49,911 | 22,666 |
| રશિયા | 3,44,481 | 2,27,641 | 1,13,299 | 3,541 |
| યૂ.કે. | 2,60,916 | 2,22,890 | 1,151 | 36,875 |
| સ્પેન | 2,35,772 | 56,644 | 1,50,376 | 28,752 |
| ઇટલી | 2,29,858 | 56,594 | 1,40,479 | 32,785 |
| ફ્રાન્સ | 1,82,709 | 89,604 | 64,735 | 28,370 |
| જર્મની | 1,80,328 | 11,764 | 1,60,281 | 8,283 |
| ટર્કી | 1,56,827 | 33,793 | 1,18,694 | 4,340 |
| ભારત | 1,38,845 | 77,103 | 57,721 | 4,021 |
દેશમાં મહારાષ્ટ્ર કોરોનાવાયરસથી સૌથી વધારે પ્રભાવિત રાજ્ય છે. અહીં કોરોના સંક્રમણના કુલ કેસ 50 હજાર પાર પહોંચી ગયા છે. ત્યારબાદ તામિલનાડુ અને ગુજરાત આવે છે. કોરોના સંક્રમણના કેસ મામલે દિલ્હી ચોથા સ્થાને છે.
નોંધનીય છે કે કોરોના સંકટ દરમિયાન ડોમેસ્ટિક ફ્લાઇટ્સ પણ આજથી શરૂ કરી દેવામાં આવી છે
કોરોનાવાયરસને કાબૂ કરવા માટે વડાપ્રધાન નરેન્દ્ર મોદીએ લૉકડાઉનની જાહેરાત કરી હતી. લૉકડાઉનના લગભગ બે મહિના પછી આજથી દેસમાં ફરી ડોમેસ્ટિક ફ્લાઇટ્સ શરૂ કરી દેવામાં આવી છે. નવી દિલ્હીથી પહેલી ડોમેસ્ટિક ફ્લાઇટ સવારે 4.45 વાગ્યે પુણે માટે રવાના થઈ હતી. દિલ્હી એરપોર્ટ પર પહેલી ફ્લાઇટ સવારે 7.45 મિનિટે આવવાની હતી. આ સિવાય મુંબઇથી પણ ડોમેસ્ટિક ફ્લાઇટ્સ સેવા શરૂ કરી દેવામાં આવી છે.
