દહિસરના સ્લમમાં 15 દિવસમાં કોરોનાનો એક પણ નવો કેસ નહીં

Published: Jul 29, 2020, 07:28 IST | Pallavi Smart | Mumbai

પરિણામે ન્યુ લિન્ક રોડને ત્રણ મહિના બાદ ખોલવામાં આવ્યો, જોકે ગણપત પાટીલનગરમાં ચાંપતી નજર રખાશે

રહેવાસીઓ
રહેવાસીઓ

દહિસર (વેસ્ટ)ના ગીચ એવા ગણપત પાટીલનગરમાં પહેલાં રોજના પાંચથી છ કેસ નોંધાતા હતા પણ ત્યાર બાદ સતતના પ્રયાસો લેવાયા અને ડોર-ટુ-ડોર સર્વે પણ કરાયો અને ૧૫ દિવસ કમ્પ્લીટ લૉકડાઉન કરાયા બાદ હવે પરિસ્થિતિમાં ઘણો જ સુધારો જણાયો છે. છેલ્લા પંદર દિવસમાં કોરોનાનો એક પણ કેસ નોંધાયો નથી. એથી હવે મેઇન લિન્ક રોડ પણ ખોલી દેવાયો છે. જોકે એમ છતાં કોરોના ફરી ઊથલો ન મારે એ માટે હજી આખા વિસ્તારમાં કન્ટેનમેન્ટ ઝોનના નિયમોનું પાલન ચાલુ જ છે.

આર-નૉર્થના ભૂતપૂર્વ નગરસેવક અભિષેક ઘોસાળકરે કહ્યું હતું કે ‘દહિસરની આ સૌથી મોટી ગીચ ઝૂંપડપટ્ટીમાં ૧૦,૦૦૦ પરિવાર અંદાજે ૫૦,૦૦૦ લોકો વસવાટ કરે છે. ે આ મુંબઈની પહેલી ઝૂંપડપટ્ટી હતી જ્યાં પહેલી વાર સેરો સર્વે કરાયો હતો. ત્યાંના રહેવાસીઓએ પણ અમને બહુ જ સહકાર આપ્યો હતો’

આ પણ વાંચો : કૅનન પાંઉભાજીમાંથી 100 કિલો માખણ અને ચીઝની ચોરી

મુંબઈ મહાનગરપાલિકાના આર-નૉર્થનાં વૉર્ડ-ઑફિસર સંધ્યા નાંદેડકરે કહ્યું હતું કે ‘એ વિસ્તાર હજી કન્ટેનમેન્ટ ઝોનના લિસ્ટમાંથી બહાર નથી મુકાયો પણ એમ છતાં મેઇન લિન્ક રોડ ખોલી દેવાયો છે. પહેલાં રોજના અહીં પાંચથી છ કેસ આવતા હતા..’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK