મીરા રોડની મેડિકલ સાધનો બનાવતી કંપનીના નામે ઑનલાઇન છેતરપિંડી
પ્રતીકાત્મક તસવીર
મીરા રોડમાં આવેલી હૉસ્પિટલ ઇક્વિપમેન્ટ ઉત્પાદક કંપનીના માલિકને દિલ્હીસ્થિત એક દુકાનદારનો ફોન આવ્યો જેમાં તેણે માસ્ક અને હૅન્ડ સૅનિટાઇઝર્સ માટે ઑર્ડર લખાવ્યો હતો. ત્યાર બાદ તેમને ખ્યાલ આવ્યો કે તેમની વિગતોનો ઉપયોગ કરી લોકોની ઑનલાઇન છેતરપિંડી કરવામાં આવી રહી છે.
ડોલ્ફિન સર્જિકલના ચૅરમૅન અને મૅનેજિંગ ડિરેક્ટર નવીન ગિરિએ જણાવ્યું હતું કે કૉલરે મને પૂછ્યું કે માસ્ક અને હૅન્ડ સૅનિટાઇઝર્સનો સ્ટૉક ક્યારે મળશે, જેના માટે તેણે ઑર્ડર આપ્યો હતો અને ચુકવણી પણ કરી હતી. મેં તેને કહ્યું કે અમે આ ચીજોનું ઉત્પાદન કર્યું નથી અને એમાં તમને ભૂલ થઈ હશે, પણ કૉલરે મને જણાવ્યું હતું કે તેમણે પેટીએમ દ્વારા ૩૦૦૦ રૂપિયાની ચુકવણી કરી છે. જોકે જ્યારે ફોન કરનાર ગિરિને ફેસબુક તપાસવા કહેતો ત્યારે તે અલગ નામના સંપર્ક નંબર હેઠળ ‘એફબી માર્કેટપ્લેસ’ પર જણાવેલ તેનું નામ અને મુંબઈ સરનામું શોધીને ચોંકી ગયો. જ્યારે મેં નંબર પર કૉલ કર્યો ત્યારે કૉલર ઓળખે મારી કંપનીનું નામ બતાવ્યું. જોકે આ કૉલ અનુત્તરિત થઈ રહ્યો.
ADVERTISEMENT
ત્યાર બાદ તેને ખ્યાલ આવ્યો કે તેની વિગતો લોકોની ઑનલાઇન છેતરપિંડી કરવા માટે કરવામાં આવી રહી છે અને ભાઈંદરના નવઘર પોલીસ સ્ટેશનનો સંપર્ક કર્યો. તેઓએ માત્ર લેખિત ફરિયાદ લગાવી હતી, પરંતુ એફઆઇઆર નોંધાવ્યો નહોતો. તેઓએ જણાવ્યું હતું કે તેઓ કોરોના વાઇરસ સંબંધિત બેન્ડ બોસ્ટમાં વ્યસ્ત હતા.
તે ઘરે પરત ફર્યા પછી સાંજના ૬ વાગ્યાની આસપાસ ગિરિને ચેન્નઈસ્થિત એક વેપારીનો ફોન આવ્યો, જે આ જ રીતે ફસાઈ ગયો હતો અને હૅન્ડ સૅનિટાઇઝર્સનો સ્ટૉક મેળવવાના બહાને ૨૫,૦૦૦ રૂપિયા ચૂકવ્યા હતા. રાત્રે ૯ વાગ્યે ગિરિને ઇન્દોરસ્થિત એક વેપારીનો બીજો ફોન આવ્યો જેમણે આ જ વ્યવહારમાં ૧૦,૦૦૦ રૂપિયા ચૂકવ્યા હતા. દરેક કેસમાં, કૉલર કંપનીની વેબસાઇટ પરથી ગિરિનો સાચો નંબર મેળવી ફોન કરી રહ્યા હતા. ત્રણેય કેસમાં, છેતરપિંડી કરનારએ મુંબઇમાં એક ઑફિસ હોવાનો દાવો કર્યો હતો, જ્યાંથી ઑર્ડર આપવામાં આવી રહ્યો છે અને ઝડપથી ડિલિવરી કરવાનું વચન આપ્યું હતું.
પોલીસના જણાવ્યા અનુસાર પ્રાથમિક તપાસમાં બતાવવામાં આવ્યું છે કે નંબરનો ઉપયોગ કરનાર વ્યક્તિ દિલ્હીની છે. સાઇબર એક્સપર્ટ શુભમ સિંહે જણાવ્યું હતું કે કોરોના વાઇરસ પ્રકાશમાં આવતાં આવા કેસની સંખ્યા વધી છે. એવી અનેક કપટપૂર્ણ વેબસાઇટ્સ છે જે કેટલીક એનજીઓ અથવા પીએમ રાહત ફન્ડ નામે મજૂરો માટે દાન સ્વીકારવાનો દાવો કરે છે. લોકોને તેઓ ક્યાં ચુકવણી કરી રહ્યા છે અને બૅન્કની વિગતો આપી રહ્યા છે એના વિશે ખૂબ કાળજી લેવી પડશે. સાઇબર ગુનેગારો તેમની કાર્ય પદ્ધતિમાં ફેરફાર કરતા રહે છે અને એવું લાગે છે કે તેઓ હવે લોકોને છેતરવા માટે કોરોના વાઇરસનો ઉપયોગ કરી રહ્યા છે.
