વધુ પડતી ફી વસૂલતી ડોમ્બિવલીની હૉસ્પિટલનું લાઇસન્સ સસ્પેન્ડેડ
પ્રતીકાત્મક તસવીર
થાણે જિલ્લાના ડોમ્બિવલી શહેરમાં દરદીઓની સારવારમાં ખામી તથા નિયમભંગ કરનારી એક હૉસ્પિટલનું લાઇસન્સ મનપાએ શનિવારે કેન્સલ કર્યું હતું અને સાથે જ તેનું કોવિડ-19 ટેગ પણ દૂર કર્યું હતું.
કલ્યાણ ડોમ્બિવલી મ્યુનિ. કૉર્પોરેશન (કેડીએમસી)ને શ્રી સમર્થ મલ્ટિ સ્પેશ્યાલિટી હૉસ્પિટલમાં ગેરરીતિ ચાલતી હોવા અંગેની ઘણી ફરિયાદો મળી હતી. આ હૉસ્પિટલ દરદીઓ પાસેથી વધુપડતો ચાર્જ વસૂલતી હતી, તેમ કેડીએમસીનાં પીઆરઓ માધુરી ફોપાલેએ જણાવ્યું હતું.
ADVERTISEMENT
હૉસ્પિટલને છ લાખ રૂપિયા કરતાં વધુના બિલ બદલ કારણ-દર્શક નોટિસ ફટકારવામાં આવી હતી, પરંતુ હૉસ્પિટલ નોટિસનો પ્રતિભાવ આપવામાં નિષ્ફળ નીવડી હતી.
કેડીએમસીએ કોવિડ-19 સારવાર સુવિધા તરીકેનું હૉસ્પિટલનું ટેગ દૂર કર્યું હતું અને જ્યાં સુધી તે મનપાના આદેશોનું પાલન ન કરે ત્યાં સુધી તેનું લાઇસન્સ સસ્પેન્ડ કરી દીધું હતું, તેમ અધિકારીએ જણાવ્યું હતું.