Coronavirus: આઇસોલેશનમાં હતો માલિક, ડૉગી જઇને લાવ્યું ચિપ્સ
એન્તોનિયોની પોસ્ટ
કોરોનાવાઇરસનાં લૉકડાઉનને કારણે લોકો પોતાના ઘરમાં ભરાઇ રહ્યા છે, બહાર જવાનું ટાળે છે અને માત્ર જરૂરી ચીજો લેવાની હોય તો જ બહાર પગ મૂકે છે. આ સ્થિતિમાં તમને કંઇ મસ્તમ મજાનું ખાવાનું મન થાય તો તમે શું કરો? જુઓ મેક્સિકોના એક માણસે કઇ રીતે આ પ્રોબ્લેમ સોલ્વ કર્યો.
ADVERTISEMENT
એન્તોનિયો મુનેઝને મન થઇ રહ્યું હતું ચિટોઝ ખાવાનું અને તેણે વિચાર્યું કે ઘરની બહાર પગ મૂક્યા વિના કેવી રીતે ખાઇ શકાય છે આ ચિટોઝ.તેણે પોતાના પૅટ, ચિહુઆહુઆ બ્રિડનાં શ્વાનને ઘર નજીકનાં સ્ટોરમાં 20 ડૉલર આપીને મોકલ્યો.ડૉગી પર એણે પોતાને જોઇતી ચીજોની યાદી પણ લખી.
સ્પેનિશમાં લખેલા આ કાગળમાં લખ્યું છે કે, “હેલો મિસ્ટરશોપ કિપર, પ્લિઝ મારા ડૉગને થોડા ચિટોઝ વેચાતા આપજો, કેસરી રેપર વાળા, લાલ નહીં કારણકે એ બહુ તીખા હોય છે.ચેતવણીઃ જો એની સાથે સરખો વહેવાર નહીં કરો તો એ બટકાં ભરે એવી છે.તમારી સામેનો પાડોશી.” તેણે આ આખી ઘટના ઇન્ટરનેટ પર પોસ્ટ કરી અને જુઓ આ ચિહુઆહુઆના ચહેરાનાં હાવભાવ કેવાં છે.
આમ તો આ ગયા અઠવાડિયાની પોસ્ટ છે પણ એન્તોનિયોની પોસ્ટનાં ઘણાં ફોલોવર્સ થઇ ચૂક્યા છે અને તેના ડૉગ્ઝનાં ફેનની સંખ્યા પણ વધી ગઇ છે. કેટલાકને રમૂજ મળી તો કેટલાકને ડૉગીની દયા આવી.
