રાહુલ ગાંધીના રાજીનામાના વિરોધમાં કૉંગ્રેસી કાર્યકરનો સુસાઈડનો પ્રયાસ

રાહુલ ગાંધીના રાજીનામાના વિરોધમાં કૉંગ્રેસી કાર્યકરનો સુસાઈડનો પ્રયાસ

રાહુલ ગાંધી

કૉંગ્રેસના અધ્યક્ષ રાહુલ ગાંધીના રાજીનામાના વિરોધમાં એક કૉંગ્રેસી કાર્યકરે આત્મહત્યાનો પ્રયાસ કર્યો હતો. દિલ્હીમાં કૉંગ્રેસના કાર્યાલય સામે આ કાર્યકરને ઝાડ પર ગળે ફાંસી લગાવતો જોઈને લોકોના શ્વાસ અધ્ધર થઈ ગયા હતા. મહામહેનતે કાર્યકરને નીચે ઉતારવામાં આવ્યો હતો. કૉંગ્રેસના કાર્યકરનું કહેવું છે કે રાહુલ ગાંધી રાજીનામું પાછં નહીં ખેંચી લે તો હું ફાંસીએ લટકીને જીવ આપી દઈશ.

નોંધનીય છે કે રાહુલ ગાંધીના રાજીનામાની રજૂઆતના વિરોધમાં સતત પ્રદર્શન પણ થઈ રહ્યાં છે. છેલ્લા અનેક દિવસોથી કૉંગ્રેસ હેડક્વૉર્ટરની બહાર કૉંગ્રેસ‌ી કાર્યકર ધરણા પર છે અને રાહુલ ગાંધી પાસે રાજીનામું પાછું ખેંચી લેવાની માગણી કરી રહ્યા છે. લોકસભાની ચૂંટણી બાદ રાજીનામાની રજૂઆત કરનારા રાહુલ ગાંધી ફરી એક વાર રાજીનામું આપવા વિશે મક્કમ બન્યા છે. રાહુલ ગાંધીએ ફરી સ્પષ્ટ કરી દીધું છે કે હું જવાબદારી નહીં સંભાળું.

ADVERTISEMENT

આ પણ વાંચો : બેન્ક લોન ન ભરનારા સામે સરકાર સખ્ત, 18 શહેરમાં 50 સ્થળે રેડ

યુપીએનાં અધ્યક્ષ સોનિયા ગાંધીની આગેવાનીમાં બુધવારે કૉંગ્રેસના લોકસભાના સંસદસભ્યોની બેઠક યોજાઈ હતી, જેમાં કૉંગ્રેસના અધ્યક્ષ રાહુલ ગાંધી પણ ઉપસ્થિત હતા.