કૉન્ગ્રેસના સંસદસભ્યે RSSનાં કર્યા વખાણ

Published: 12th November, 2012 05:20 IST

હરિયાણાના સૂરજકુંડમાં કૉન્ગ્રેસે આગામી ચૂંટણીને ધ્યાનમાં રાખીને ચિંતન શિબિર યોજી હતી ત્યારે પાર્ટીના જ એક સંસદસભ્યે આરએસએસનાં વખાણ કરીને સૌને ચોંકાવી દીધા હતા.

મધ્ય પ્રદેશના દેવાસના કૉન્ગ્રેસી સંસદસભ્ય સજ્જનસિંહ વર્માએ કહ્યું હતું કે કૉન્ગ્રેસના નેતાઓ કરતાં આરએએસના કાર્યકર્તાઓ ઘણા સારા છે. આરએસએસના કાર્યકર્તાઓ આજે પણ ચણા ખાઈને ગામેગામ ફરી શકે છે, જ્યારે કૉન્ગ્રેસના નેતાઓ ઍરકન્ડિશન્ડ કૅબિનમાંથી બહાર નીકળી શકતા નથી. નીમચમાં એક કાર્યક્રમ દરમિયાન વર્માએ કહ્યું હતું કે જ્યાં સુધી કૉન્ગ્રેસના નેતાઓ પાયાના કાર્યકર્તાઓને પૂછશે નહીં ત્યાં સુધી પાર્ટીનો રસ્તો આસાન નથી. તેમણે એમ પણ કહ્યું હતું કે પાર્ટી અત્યારે મુશ્કેલ સમયમાંથી પસાર થઈ રહી હોવા છતાં પણ નેતાઓ બેફિકર છે.

આરએસએસ = રાષ્ટ્રીય સ્વયંસેવક સંઘ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK