કટાક્ષનો કાર્નિવલ
જર્મનીના ડસેલ્ડોર્ફ શહેરમાં દર વર્ષની જેમ આ વખતે પણ ટ્રેડિશનલ રોઝ મન્ડે પરેડની તૈયારીઓ જોરશોરમાં ચાલી રહી છે. આ ફેસ્ટિવલમાં મોટા ભાગે વિશ્વભરના રાજકારણીઓ પર કટાક્ષ કરતા ફ્લોટ્સ તૈયાર કરવામાં આવે છે. આ વખતે કોરોનાના સ્પ્રેડના ડરથી પરેડ દરમ્યાન બહુ મોટી સંખ્યામાં લોકોને ભેગા થવાની મનાઈ છે અને પરેડ પણ આખા શહેરમાં ફરવાને બદલે ચોક્કસ એરિયામાં જ રિસ્ટ્રિક્ટેડ રાખવામાં આવી છે. આ પરેડમાં રજૂ થનારી ફ્લોટ્સમાં સ્થાનિક રાજકારણીઓની સાથે-સાથે રશિયન પ્રમુખ પુતિન અને ભૂતપૂર્વ અમેરિકન પ્રેસિડન્ટ ડોનલ્ડ ટ્રમ્પની પણ મજાક ઉડાડતી ફ્લોટ્સ તૈયાર થઈ રહી છે.