ક્રિસમસ ટ્રી પર થઈ રહ્યું છે માસ્ક અને સૅનિટાઇઝરનું ડેકોરેશન
૨૦૨૦ના વર્ષનો છેલ્લો ફેસ્ટિવલ બારણે દસ્તક દઈ રહ્યો છે ત્યારે પણ વિશ્વભરમાં કોરોનાનો પડછાયો હજીયે છવાયેલો છે. ક્રિસમસમાં પણ ઠેર-ઠેર સોશ્યલ ડિસ્ટન્સિંગના પ્રોટોકોલ જળવાય અને લોકો માસ્ક પહેરીને ફરે એ માટે અવેરનેસ કાર્યક્રમો થઈ રહ્યા છે. ઇન્ડોનેશિયાના સુરબાયામાં આવેલા કૅથલિક ચર્ચમાં તો ઊંચા ક્રિસમસ ટ્રીને માસ્ક અને સૅનિટાઇઝરથી સજાવવામાં આવ્યું છે. ત્રણ મીટર લાંબા ક્રિસમસ ટ્રી પર લગભગ સેંકડોની સંખ્યામાં રંગબેરંગી માસ્કથી સજાવટ થઈ છે.