ચીન, પાકિસ્તાન સાવધાન : સરહદ પર 44 પુલો તૈયાર કરી લીધા છે ભારતે

Published: 13th October, 2020 11:06 IST | Agency | New Delhi

એકસાથે ૪૪ પુલ દેશને સોંપાયાઃ સંરક્ષણપ્રધોને ૭ રાજ્યો-કેન્દ્રશાસિત પ્રદેશોમાં ૪૪ પુલનું ઉદ્ઘાટન કર્યું, અરુણાચલમાં બનશે સુરંગ

બીઆરઓ દ્વારા તૈયાર કરાયેલા ૪૪ પૈકી ૪ પુલો. તસવીર. પી.ટી.આઈ
બીઆરઓ દ્વારા તૈયાર કરાયેલા ૪૪ પૈકી ૪ પુલો. તસવીર. પી.ટી.આઈ

સંરક્ષણપ્રધાન રાજનાથ સિંહે સોમવારે ૭ રાજ્યના સીમાડાના વિસ્તારોમાં બનેલા ૪૪ પુલનું વિડિયો-કૉન્ફરન્સિંગ દ્વારા ઉદ્ઘાટન કર્યું હતું. રાજનાથે અરુણાચલ પ્રદેશમાં એક સુરંગનો શિલાન્યાસ પણ કર્યો છે. બૉર્ડર રોડ ઑર્ગેનાઇઝેશન (બીઆરઓ)એ કહ્યું હતું કે આ પુલોની વ્યુહાત્મક અગત્યતા જ નથી, પરંતુ એ સુદૂર વિસ્તારો સાથે સંપર્ક સ્થાપિત કરવામાં પણ મદદરૂપ થશે.

આ પુલ લદાખ, અરુણાચલ પ્રદેશ, સિક્કિમ, હિમાચલ પ્રદેશ, ઉત્તરાખંડ, પંજાબ અને જમ્મુ-કાશ્મીરમાં બનાવાયા છે. આ તમામ પુલોને સેનાના બૉર્ડર રોડ ઑર્ગેનાઇઝેશને તૈયાર કર્યા છે. ૭ પુલ લદાખમાં તૈયાર કરાયા છે. આ ઉપરાંત જમ્મુ-કાશ્મીરમાં ૧૦, હિમાચલમાં ૨, ઉત્તરાખંડમાં અને અરુણાચલમાં ૮-૮ અને સિક્કિમ તથા પંજાબમાં ૪-૪ પુલ બનાવાયા છે.

સરહદ વિવાદ ચીન-પાકિસ્તાનનું મિશન

સંરક્ષણ પ્રધાન રાજનાથ સિંહે કહ્યું હતું કે આપણી ઉત્તરી અને પૂર્વીય સીમા પર કેવી પરિસ્થિતિ છે એ બધાને ખબર છે. પહેલાં પાકિસ્તાન અને હવે ચીન. એવું લાગે છે કે એક અભિયાન છેડીને સરહદ પર વિવાદ ઊભો કરવામાં આવી રહ્યો છે. આ દેશો સાથે આપણી 7000 કિલોમીટર લાંબી સીમા છે જ્યાં પરિસ્થિતિ તંગ છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK