દીકરાને ગણિતનો દાખલો સમજાવતાં મમ્મીને હાર્ટઅટૅક આવી ગયો

Published: Nov 09, 2019, 09:14 IST | China

દીકરાના ભેજામાં દાખલો બેસતો જ નહોતો. દાખલો સમજાવતી વખતે વેન્ગ એટલીબધી ઉશ્કેરાઈ ગઈ કે તેને છાતીમાં દુખવા માંડ્યું.

ચીનની છે આ ઘટના
ચીનની છે આ ઘટના

જેમને માટે ગણિત ગમતીલો વિષય ન હોય તેને દાખલા સૉલ્વ કરવાનું માથાના દુખાવા સમાન લાગે, પણ ગણિતને લીધે કોઈને હાર્ટ-અટૅક આવે એ તો માન્યામાં ન આવે એવી વાત છે. બાળકોને ભણાવવું એ આમ પણ ઘણું કપરું કામ છે અને એમાં પણ જો કોઈ એક વાત તેના ભેજામાં ઊતરી જ ન રહી હોય તો શીખવનારનો પારો ઊંચે ચડે એમાં બેમત નથી. જોકે ચીનમાં વેન્ગ નામની મહિલા તેના ૯ વર્ષના પુત્રને ગણિતનો એક દાખલો સમજાવી રહી હતી, પણ દીકરાના ભેજામાં દાખલો બેસતો જ નહોતો. દાખલો સમજાવતી વખતે વેન્ગ એટલીબધી ઉશ્કેરાઈ ગઈ કે તેને છાતીમાં દુખવા માંડ્યું. વેન્ગને તરત જ ખ્યાલ આવી ગયો કે પોતાને કોઈ ગંભીર તકલીફ થઈ રહી છે. તેણે તરત જ પતિને ફોન કરીને બોલાવી લીધો. પતિ વેન્ગને હૉસ્પિટલ લઈ ગયો, જ્યાં તેને હાર્ટ-અટૅક આવ્યો હોવાનું નિદાન થયું હતું. ડૉક્ટરોએ કહ્યું કે જો જરાય મોડું થયું હોત તો હાર્ટ-ફેલ્યરનું જોખમ હતું.
એ યાદ રાખવું ઘટે કે નિષ્ફળતાને પગલે સર્જાતી હતાશા કે નિરાશા અને ગુસ્સો હાર્ટ-અટૅકનું કારણ બની શકે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK