પતિએ કદરૂપી હોવા બદલ પત્ની સામે કેસ કર્યો ને જીતી પણ ગયો

Published: 6th November, 2012 05:46 IST

ચીનમાં પતિ-પત્ની વચ્ચે કાનૂની જંગનો વિચિત્ર કેસ નોંધાયો છે. ઉત્તર ચીનમાં રહેતા જિયાન ફેન્ગ નામના એક પુરુષે કદરૂપા દેખાવ બદલ પોતાની પત્ની સામે કેસ કર્યો હતો એટલું જ નહીં, કોર્ટે ચુકાદામાં પતિનો દાવો માન્ય રાખીને પત્નીને ૬૫ લાખ રૂપિયાનું વળતર ચૂકવવાનો આદેશ આપ્યો હતો.


વાત એમ હતી કે ફેન્ગની પત્ની આમ તો અત્યંત સુંદર હતી, પણ જ્યારે તેણે દીકરીને જન્મ આપ્યો ત્યારે દીકરીનો કદરૂપો દેખાવ જોઈને તે ચોંકી ગયો હતો. આ વિશે જ્યારે તેણે વાત કરી ત્યારે પત્નીએ સ્વીકાર્યું હતું કે લગ્ન પહેલાં તે કદરૂપી હતી, પણ પછી પ્લાસ્ટિક સર્જરી દ્વારા સુંદર લુક મેળવ્યો હતો. આ હકીકત બહાર આવતાં ગુસ્સે થયેલા ફેન્ગે છેતરપિંડી કરવા બદલ પત્ની સામે કોર્ટમાં કેસ કરી દીધો હતો. ફેન્ગે કોર્ટને કહ્યું હતું કે મારી પત્નીએ પ્લાસ્ટિક સર્જરી કરાવીને મને છેતર્યો હતો. કોર્ટે આ હકીકત પતિને ન જણાવવા બદલ પત્નીને કસૂરવાર ઠેરવી તેને વળતર ચૂકવવાનો આદેશ આપ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK