ગુજરાતી રંગભૂમિના જાણીતા સેટ-ડિઝાઇનર છેલ વાયડાનું અવસાન

Published: 13th November, 2014 03:09 IST

૧૯૬૪થી ગુજરાતી રંગભૂમિ સાથે સંકળાયેલા અને પાંચસોથી પણ વધુ નાટકો, ૩૦થી વધુ ફિલ્મો અને છ ટીવી-સિરિયલોનું આર્ટ-ડિરેક્શન કરી ચૂકેલી આર્ટ-ડિરેક્ટર જોડી છેલ-પરેશમાંના છેલ વાયડાનું ગઈ કાલે અંધેરીના ચાર બંગલાના ઘરે હાર્ટ-અટૅકથી અવસાન થયું હતું.



છેલભાઈની ઉંમર ૭૯ વર્ષની હતી. તેમના અંતિમ સંસ્કાર વિલે પાર્લેમાં વાઘજીભાઈની વાડી સ્મશાનગૃહમાં કરવામાં આવ્યા હતા. છેલભાઈની પ્રાર્થનાસભા શુક્રવારે પાર્લાના સંતોકબા હૉલમાં રાખવામાં આવી છે.

છેલભાઈને એક દીકરો અને એક દીકરી છે. તેમનો દીકરો સંજય છેલ હિન્દી ફિલ્મોનો જાણીતો સ્ક્રિપ્ટરાઇટર અને ડિરેક્ટર છે, જ્યારે દીકરી અલ્પના બુચ અને જમાઈ મેહુલ બુચ બન્ને ઍક્ટિંગના ફીલ્ડ સાથે જોડાયેલાં છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK