છત્તીસગઢના ડૉક્ટરનો બચાવ : હલકી ક્વૉલિટીની દવાઓના કારણે ૧૨ મહિલાઓનાં મોત થયા

Published: 14th November, 2014 05:45 IST

છત્તીસગઢના બિલાસપુર જિલ્લાના તખતપુર બ્લૉક હેઠળના પેડારી ગામમાં કરવામાં આવેલા નસબંધીના ઑપરેશનને કારણે થયેલાં ૧૨ મહિલાઓનાં મોત માટે જવાબદાર ડૉક્ટર આર. કે. ગુપ્તાએ ગઈ કાલે આક્ષેપ કર્યો હતો કે રાજ્ય સરકારે આપેલી હલકી ક્વૉલિટીની દવાઓ આ દુર્ઘટના માટે જવાબદાર છે અને વહીવટી તંત્ર દ્વારા મને આ કિસ્સામાં ફસાવવામાં આવી રહ્યો છે.


છત્તીસગઢના મુખ્ય પ્રધાન રમણ સિંહે આ દુર્ઘટના બાબતે જુડિશ્યલ ઇન્ક્વાયરીનો આદેશ આપ્યો છે.

શનિવારે છ કલાકમાં નસબંધીનાં ૮૩ ઑપરેશનો કરી ચૂકેલા લેપ્રોસ્કોપિક સજ્ર્યન આર. કે. ગુપ્તાની બુધવારે મોડી રાત્રે બાલોડાબઝાર જિલ્લામાંથી ધરપકડ કરવામાં આવી હતી. ડૉક્ટર ગુપ્તાએ કહ્યું હતું કે ચીફ મેડિકલ ઑફિસર, હેલ્થ ઑફિસર, બ્લૉક મેડિકલ ઑફિસર અને બ્લૉક હેલ્થ ઑફિસરને પણ આ દુર્ઘટના માટે સમાન પ્રમાણમાં જવાબદાર ગણવા જોઈએ. સર્જરી બાદ દર્દશામક દવાઓ અને ઍન્ટિબાયોટિક્સ આપવામાં આવી એ પછી મહિલાઓની હાલત બગડી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK