છત્તીસગઢઃએક માટલાથી વધુ પાણી ભરો તો થાય છે દંડ
આપણને જ્યારે જોઈએ ત્યારે નળ ખોલતાં જ અસ્ખલિત વહેતું પાણી મળે છે, પણ ભારતનાં અનેક રાજ્યોમાં નાનાં અને અંતરિયાળ એવાં ગામ છે જ્યાં પીવાનું પાણી પણ મુશ્કેલીથી મળે છે. છત્તીસગઢના બસ્તર જિલ્લાના દરભા તાલુકામાં ઘણાં ગામો એવાં છે જ્યાં ઘરદીઠ એક માટલું પાણી ભરી લીધા પછી બીજું માટલું ભરવા પર દંડ થાય છે.
ADVERTISEMENT
ગરમીના દિવસોમાં પાણીની સમસ્યા ઑર વધવા લાગી છે એટલે પાણીનો દુરુપયોગ ન થાય એ માટે ગ્રામપંચાયતોએ એકથી વધુ માટલું ભરવા પર દંડ લેવાની નીતિ અપનાવી છે. અહીં પાણીના સ્રોત ખૂટી ગયા છે અને ભૂમિગત જળસ્તર બહુ નીચું જતું રહ્યું છે. એક ગામમાં તો ગ્રામપંચાયતે પાણીનો વ્યય અટકાવવા લેખિત નોટિસ આપીને જાહેર કર્યું છે કે અહીં કોઈ જરૂરિયાત કરતાં વધુ પાણી લેશે અથવા બગાડ કરશે તો પંચાયત બાલદીદીઠ ૫૦ રૂપિયાનો દંડ લેશે.
આ પણ વાંચોઃ ફ્રાંસઃ778 કરોડમાં વેચાયું એક ઓઈલ પેઈન્ટિંગ
ગામની ટાંકી પર નોટિસ લાગી છે કે એક માટલું લાવો અને પાણી લઈ જાઓ. એકથી વધુ ઘડો લાવશો તો ઘડાદીઠ ૫૦ રૂપિયાનો દંડ થશે.
