Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > વોટર્સ-ઍમ્બૅસૅડર ચેતેશ્વર પુજારાને ત્યાં જ વોટિંગ-સ્લિપ નથી પહોંચી

વોટર્સ-ઍમ્બૅસૅડર ચેતેશ્વર પુજારાને ત્યાં જ વોટિંગ-સ્લિપ નથી પહોંચી

22 April, 2019 10:43 AM IST |
રશ્મિન શાહ

વોટર્સ-ઍમ્બૅસૅડર ચેતેશ્વર પુજારાને ત્યાં જ વોટિંગ-સ્લિપ નથી પહોંચી

ચેતેશ્વર પુજારા

ચેતેશ્વર પુજારા


મતદાર જાગૃતિ અભિયાનના બ્રૅન્ડ-ઍમ્બૅસૅડર અને ટીમ ઇન્ડિયાના આધારભૂત બૅટ્સમૅન ચેતેશ્વર પુજારા બધાને મતદાન માટે જાગ્રત કરે છે, જ્યારે તેના જ ઘરે મતદાન કરવા માટે જરૂરી હોય એ વોટિંગ-સ્લિપ હજી સુધી પહોંચી નથી. આવતી કાલે ગુજરાતમાં લોકસભા ઇલેક્શનનું વોટિંગ છે ત્યારે ચેતેશ્વર જ વોટથી વંચિત રહી જાય એવી પરિસ્થિતિ ઊભી થતાં સ્વાભાવિક રીતે ચેતેશ્વર અને તેના પપ્પા અરવિંદભાઈ પુજારા બન્ને માટે વિમાસણ ઊભી થઈ છે. જોકે એ પછી રાજકોટના કલેક્ટર અને રાજકોટના ઇલેક્શન ઑફિસરે તેમને ખાતરી આપી છે કે કોઈ પણ ઓળખકાર્ડ અને વોટર-આઇડી સાથે બધાનું વોટિંગ થઈ જાય એ પ્રકારની સૂચના આપવામાં આવશે.

ચેતેશ્વર જ્યારે વોટર્સ બ્રૅન્ડ-ઍમ્બૅસૅડર છે ત્યારે સ્વાભાવિક રીતે તે વોટ આપવા જાય એ કવર કરવા માટે લોકલ મીડિયાથી માંડીને ન્યુઝ-ચૅનલ સુધ્ધાં પહોંચે એવા સમયે ચેતેશ્વરનું નામ વોટર્સ-લિસ્ટમાં ન હોય તો ફિયાસ્કો થાય અને એવું ન બને એ માટે નૅચરલી સ્થાનિક અધિકારીઓએ આ જવાબદારી ઉપાડી લીધી છે.



આ પણ વાંચો : સાઠ મિનિટ શું કામ તમારે તમારા મોબાઇલ-સોશ્યલ મીડિયાથી દૂર રહેવું જોઈએ


જાડેજા અને ઉનડકટ નહીં કરે વોટિંગ

ટીમ ઇન્ડિયાના ઑલરાઉન્ડર બૅટ્સમૅન રવીન્દ્ર જાડેજાનું નામ જામનગરના વોટર્સ-લિસ્ટમાં અને ઇન્ડિયન ટીમના આશાસ્પદ મીડિયમ પેસ બોલર જયદેવ ઉનડકટનું નામ પોરબંદરના વોટર્સ-લિસ્ટમાં છે, પણ જાડેજા કે ઉનડકટ બેમાંથી એક પણ પ્લેયર આવતી કાલે વોટિંગ નથી કરી શકવાના. જાડેજાની ચેન્નઈ સુપર કિંગ્સની મૅચ આવતી કાલે ચેન્નઈમાં છે જે માટે જાડેજાએ આજે જ ચેન્નઈ પહોંચી જવું પડશે તો રાજસ્થાન રૉયલ્સના જયદેવ ઉનડકટની આજે દિલ્હી કૅપિટલ્સ સામે દિલ્હીમાં મૅચ છે અને દિલ્હીથી પોરબંદર તાત્કાલિક પહોંચવા માટે તેને કોઈ ફ્લાઇટ મળી ન હોવાથી તે પણ વોટિંગ માટે પોરબંદર પહોંચી શકવાનો નથી.


Whatsapp-channel Whatsapp-channel

22 April, 2019 10:43 AM IST | | રશ્મિન શાહ

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK