વાકોલાના મ્યુઝિશ્યનની હત્યાના મામલે ચાર્જશીટ દાખલ

Published: Mar 09, 2020, 08:41 IST | Anurag Kamble | Mumbai Desk

બેનેટ રિબેલોની હત્યા કરનાર ટીનેજર આરોપી મિત્રો સામે વટ મારતો હતો, લાશના ટુકડા કરવા માટે મિત્રો પાસે કુહાડી માગી, પણ ન મળી એટલે છરી વાપરી

બેનેટ રિબેલો
બેનેટ રિબેલો

ગયા નવેમ્બરમાં વાકોલાના મ્યુઝિશ્યન બેનેટ રિબેલોની હત્યાના કેસમાં મુંબઈ પોલીસની ક્રાઇમ બ્રાન્ચે ફાઇલ કરેલી ચાર્જશીટમાં હત્યારો ટીનેજર એ કૃત્ય બદલ મિત્રો સામે વટ મારતો હોવાનું જણાવવામાં આવ્યું છે. ૧૩૮૭ પાનાંની ચાર્જશીટમાં જણાવવામાં આવ્યું હતું કે હત્યારો જાણે કોઈ મોટું પરાક્રમ કર્યું હોય એમ રિબેલો સાથે ઝપાઝપીમાં પોતાના અને ગર્લફ્રેન્ડ (બેનેટની દત્તક પુત્રી)ના હાથ પરના ઉઝરડા પણ દોસ્તોને બતાવતો હતો.

૨૬ નવેમ્બરે વાકોલાના ઘરમાં ૫૯ વર્ષના બેનેટ રિબેલોની હત્યા કરવામાં આવી હતી. દત્તક લીધેલી ૧૭ વર્ષની દીકરી અને તેના ૧૬ વર્ષના પ્રેમીએ રિબેલોની હત્યા કરીને તેના શરીરના ટુકડા કરી નાખ્યા હતા. એ ટુકડા પછી સૂટકેસ અને બૅગમાં ભરીને માહિમની ખાડીમાં ફેંકી દીધા હતા. ચાર્જશીટમાં જણાવવામાં આવ્યા મુજબ ૧૬ વર્ષના છોકરાએ તેના ૧૦ મિત્રોની મદદ માગી હતી. એ બધાએ આ બાબત તેની અંગત બાબત હોવાનું જણાવતાં મદદ કરવાની ના પાડી દીધી હતી. છોકરાએ રિબેલોના મૃતદેહના ટુકડા કરવા માટે દોસ્તારો પાસે કુહાડી માગી હતી, પરંતુ તેઓએ ન આપી ત્યારે છરી વડે ટુકડા કર્યા હતા.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK