વીરપુરમાં કાલે પોણાત્રણ લાખ લોકોએ કર્યા જલાબાપાનાં દર્શન

Published: 21st November, 2012 06:01 IST

ગઈ કાલે વીરપુરમાં ઊજવાયેલી જલારામબાપાની ૨૧૩મી જન્મજયંતી નિમિત્તે ભાવિકોમાં જબરદસ્ત ઉત્સાહ જોવા મળ્યો હતો અને એક જ દિવસમાં પોણાત્રણ લાખ લોકોએ જલાબાપાનાં દર્શન કર્યા હતાં, જે ગયા વર્ષની સરખામણીમાં લગભગ બમણી સંખ્યા છે.

આટલી મોટી સંખ્યામાં ભાવિકો હોવા છતાં પણ વીરપુરમાં કોઈ ધાંધલધમાલ નહોતી થઈ એ સૌથી મહત્વની વાત છે. રાજકોટના કલેક્ટર ડૉ. રાજેન્દ્રકુમારે કહ્યું હતું કે ‘સૌથી સારી વાત એ છે કે આટલા લોકો એકત્રિત થયા હોવા છતાં ચેઇન ખેંચાવાના કે પર્સ તફડાવવા જેવી ઘટના પણ બની નથી. આટલી સ્વયં શિસ્ત કદાચ અન્ય કોઈ સ્થળે નહીં હોય.’

જલારામ જયંતીએ વીરપુર માટે દિવાળી જેટલું જ મહત્વ ધરાવતો તહેવાર છે. સાત દિવસ પહેલાં પહેલી અને ગઈ કાલે બીજી દિવાળી હોય એમ વીરપુરમાં રહેતા તમામ લોકોએ ગઈ કાલે ઘરની બહાર રંગોળી કરી હતી. વીરપુરની બજાર પણ સવારના છ વાગ્યાથી ખૂલી ગઈ હતી, જે રાતના બાર વાગ્યા સુધી ખુલ્લી રાખવામાં આવી હતી. ગઈ કાલે જલારામ મંદિરમાં સાડાચાર લાખ લોકોએ પ્રસાદ લીધો હતો.

Loading...
 

સંબંધિત સમાચાર

     
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK