દિલ્હીના ગૅન્ગ-રેપના વિરોધમાં કૅન્ડલ-માર્ચ અને પીસ કાર-રૅલી

Published: 26th December, 2012 06:58 IST

દિલ્હીમાં પૅરામેડિકલની વિદ્યાર્થિની પર થયેલા ગૅન્ગ-રેપ બાદ તેના આરોપીઓને ફાંસીની સજા આપવાની માગણી સાથે મુલુંડના ડૉક્ટરો, બિઝનેસમેન, સ્ટુડન્ટ્સ, લાયન્સ ક્લબ અને રોટરી ક્લબના મેમ્બરો દ્વારા શુક્રવારે સાંજે છથી આઠ વાગ્યા દરમ્યાન કૅન્ડલ-માર્ચ અને પીસ કાર-રૅલીનું આયોજન કરવામાં આવ્યું હતું.


અંકિતા સરીપડિયા

મુલુંડ-વેસ્ટમાં આવેલા શગુન હૉલથી એલબીએસ માર્ગ પર આવેલા સર્વોદયનગર સુધી અને પાંચ રસ્તાથી ર્ફોટિસ હૉસ્પિટલ સુધી રૅલીનું આયોજન કરવામાં આવ્યું હતું. આ કાર-રૅલીમાં ૮૦ કાર જોડાઈ હતી.

એ સિવાય થાણે-વેસ્ટમાં રવિવારે ૨૩ ડિસેમ્બરે સાંજે સાતથી નવ વાગ્યા સુધી દિલ્હી ગૅન્ગ-રેપના આરોપીઓ સામે વિરોધ દર્શાવવા પાંચપખાડી વિસ્તારથી તલાવપાડી સુધી સ્કૂલ-કૉલેજના વિદ્યાર્થીઓ દ્વારા દત્તા મેઘે એન્જિનિયરિંગ કૉલેજના વિદ્યાર્થી તન્મય ગાંધીના નેજા હેઠળ સાઇલન્ટ કૅન્ડલ-માર્ચનું આયોજન કરવામાં આવ્યું હતું. રૅલીમાં સ્કૂલ-કૉલેજના વિદ્યાર્થીઓ અને ૫૦થી ૧૦૦ જેટલા પેરન્ટ્સ એમ કુલ મળી ૮૦૦થી ૯૦૦ જેટલા લોકો જોડાયા હતા. રૅલીમાં નવપાડા પોલીસ-સ્ટેશનની પરવાનગી સાથે ૧૦થી ૧૫ પોલીસો પણ જોડાયા હતા.

એલબીએસ = લાલ બહાદુર શાસ્ત્રી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK