૨૯ ડિસેમ્બરે ગુજરાતમાં પેટાચૂંટણી યોજાશેઃ ૩૧મીએ મતગણતરી થશે

રાજ્યમાં ફરી વાર પેટાચૂંટણી યોજાવા જઈ રહી છે. રાજ્ય ચૂંટણીપંચે ત્રણ જિલ્લા પંચાયત બેઠકો અને ૪૧ તાલુકા પંચાયત બેઠકો પર પેટાચૂંટણી જાહેર કરી છે.

રાજ્યમાં ફરી વાર પેટાચૂંટણી યોજાવા જઈ રહી છે. રાજ્ય ચૂંટણીપંચે ત્રણ જિલ્લા પંચાયત બેઠકો અને ૪૧ તાલુકા પંચાયત બેઠકો પર પેટાચૂંટણી જાહેર કરી છે. આ પેટાચૂંટણી માટે ૯મી ડિસેમ્બરે ઉમેદવારી ફૉર્મ ભરવાની શરૂઆત થશે, જ્યારે ૧૭ ડિસેમ્બર સુધીમાં ફૉર્મ પાછાં ખેંચી શકાશે. ૨૯ ડિસેમ્બર (રવિવાર)ના મતદાન પ્રક્રિયા હાથ ધરવામાં આવશે. તેમ જ જો પુનઃમતદાન યોજવું પડે તો એ ૩૦ ડિસેમ્બરે યોજાશે. બાદમાં ૩૧ ડિસેમ્બરે મતગણતરી યોજાશે. અમદાવાદ જિલ્લા પંચાયતની બે હેબતપુર અને શિયાળ બેઠક પર જ્યારે પોરબંદર જિલ્લા પંચાયતની રાણાકંડોરણા બેઠક પર ચૂંટણી યોજાશે.