હેં!? એક ફિલ્મના બાવન કરોડ રૂપિયા લેતો ઍક્ટર બ્રૅડ પિટ ઘરે જાતે સફાઈ કરે છે

Published: 18th September, 2012 06:07 IST

હૉલીવુડ સ્ટાર બ્રૅડ પિટની ગણના વિશ્વના સૌથી મોંઘા અભિનેતાઓમાં થાય છે. આ ઍક્ટર એક ફિલ્મમાં કામ કરવાના ઓછામાં ઓછા ૧૦ મિલ્યન ડૉલર (અંદાજે બાવન કરોડ રૂપિયા) ફી લેતો હોવાનું કહેવાય છે.



જોકે ૪૮ વર્ષનો આ ઍક્ટર ઘરમાં સાફસફાઈ પોતે જ કરે છે. ‘ધ કાઉન્સેલર’ તથા ‘વર્લ્ડ વૉર ઝેડ’ નામની ફિલ્મમાં કામ કરી રહેલો બ્રૅડ પિટ અત્યારે સાઉથ બ્રિટનના સરે શહેરમાં રહે છે અને ત્યાં તે પોતાના ઘરની સાફસફાઈ જાતે જ કરવાનું પસંદ કરે છે. બ્રિટિશ અખબાર ‘ડેઇલી મેઇલ’ના અહેવાલ મુજબ છ સંતાનોની દેખભાળ કરી રહેલો બ્રૅડ પિટ જવાબદાર પિતા છે, પણ તાજેતરના દિવસોમાં તે ઘરના કામકાજ પર વધુ ધ્યાન આપી રહ્યો છે. બ્રૅડની લાઇફ પાર્ટનર હૉલીવુડ-ઍક્ટ્રેસ ઍન્જેલિના જોલી અત્યારે સંયુક્ત રાષ્ટ્રના મિશન પર ઇરાક જેવા દેશોની મુલાકાતે છે ત્યારે બ્રૅડ પિટ બાળકો ઉપરાંત ઘરની દેખભાળ પણ રાખે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK