ભારતના ખેલ પ્રધાન કિરણ રિજિજુએ પણ પગથી ખોલ્યું બૉટલનું ઢાંકણ
કિરણ રિજિજુ
આજકાલ સોશ્યલ મીડિયામાં #BottleCapChallengeનો વાયરો વાઈ રહ્યો છે. આમ લોકોથી લઈને બૉલીવુડ સ્ટાર્સ પણ આ ચૅલેન્જ જાતે ઉપાડે છે અને પછી બીજાને ચૅલેન્જ પાસઑન કરે છે. જોકે પગેથી બૉટલનું ઢાંકણું ખોલવાની આ ફિટનેસ ચૅલેન્જ ભારતના રમતગમત વિભાગના પ્રધાન કિરણ રિજિજુએ પણ ઉપાડી છે. એટલું જ નહીં, તેમણે આ વિડિયો ઇન્સ્ટાગ્રામ પર શેઅર પણ કર્યો છે જે જબરો વાઇરલ થયો છે. આ વિડિયો સાથે તેમણે ભારતીયોને ફિટનેસ પર ધ્યાન આપવાની અને ડ્રગ્સ જેવી નશીલી ચીજોથી દૂર રહેવાની સલાહ આપી છે. આ ચૅલેન્જમાં વ્યક્તિએ સ્પિન કરીને બૅક કિક દ્વારા લગભગ કમર સુધીની હાઇટ પર મૂકેલી બૉટલનું ઢાંકણું પગેથી ખોલવાનું છે.
આ પણ વાંચો : US Flood:અમેરિકામાં વરસાદે મચાવ્યો કહેર, વ્હાઈટ હાઉસમાં પણ ભરાયા પાણી
ADVERTISEMENT
૪૭ વર્ષના કિરણ રિજિજુએ આ ચૅલેન્જ પૂરી કરીને પોતાની ફિટનેસનો પણ પરચો દેખાડ્યો છે. અત્યાર સુધીમાં ૫૦,૦૦૦થી વધુ વ્યુઝ મળી ચૂક્યા છે અને કેટલાક યુઝર્સે લખ્યું છે કે, ‘તમે તો ભારતના સૌથી પરફેક્ટ ખેલમંત્રી છો.’