શોધવા નીકળ્યા વિસ્ફોટકો અને મળ્યાં માવો-ઘી

Published: 17th October, 2011 20:53 IST

મુંબઈ પોલીસને ઇન્ટેલિજન્સ બ્યુરો પાસેથી મળેલી અલર્ટ મુજબ ટૂર્સ ઍન્ડ ટ્રાવેલ્સવાળાની બસમાં એક્સપ્લોઝિવ્સ લાવવામાં આવશે. આને ધ્યાનમાં રાખીને મુંબઈ પોલીસે બે બસને રોકીને એનું ચેકિંગ કરતાં વિસ્ફોટકો તો નહોતા મળ્યા, પણ માવો અને ઘી મળી આવ્યાં હતાં.

જેને કોઈ ડૉક્યુમેન્ટ્સ કે રસીદ વગર ગુજરાતથી મુંબઈ લાવવામાં આવી રહ્યાં હતાં, પરંતુ હવે પોલીસને લાગે છે કે જો માવો અને ઘી મુંબઈમાં લાવી શકાય તો પછી એક્સપ્લોઝિવ્સ પણ લાવવામાં આવી શકે.

મુંબઈના પોલીસ-કમિશનર અરૂપ પટનાઈકની સ્પેશ્યલ સ્ક્વૉડે ગુજરાતથી મુંબઈ આવી રહેલી બાલાજી ટ્રાવેલ્સ અને પટેલ ટ્રાવેલ્સની એક-એક બસને ગઈ કાલે વહેલી સવારે ઓશિવરામાં રોકીને ચેકિંગ કર્યું હતું, જેમાં ૪૫૦ કિલો માવો અને ૭૫ કિલો ઘી મળી આવ્યાં હતાં. આ કેસમાં પોલીસે બસના ડ્રાઇવર અને ક્લીનરની ધરપકડ કરી હતી. તેમને ઓશિવરા પોલીસને સોંપવામાં આવ્યા હતા.

મુંબઈ પોલીસની સ્પેશ્યલ સ્ક્વૉડના સિનિયર ઇન્સ્પેક્ટર રાકેશ શર્માએ ‘મિડ-ડે’ને કહ્યું હતું કે ‘ઓશિવરામાં બસને ચેકિંગ માટે રોકવામાં આવી હતી. તપાસ કરતાં ઘી અને માવો ગેરકાયદે ટ્રાન્સપોર્ટ કરવામાં આવતાં હોવાનું જાણવા મળ્યું હતું. માવા અને ઘીને ફૂડ ઍન્ડ ડ્રગ્સ ઍડ્મિનિસ્ટ્રેશનને ટેસ્ટ કરવા માટે આપ્યાં છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK