બીએમસીમાં વિરોધ પક્ષના નેતાનું પદ બીજેપીને નહીં મળે
પ્રતીકાત્મક તસવીર
મુંબઈ મહાનગરપાલિકામાં પોતાને વિરોધ પક્ષના નેતાનું પદ મળવું જોઈએ એવી બીજેપીની અરજીને સુપ્રીમ કોર્ટે ફગાવી દીધી હતી. બીજેપીએ શિવસેના સાથે છેડો ફાડ્યા બાદ સંખ્યાબળના આધારે બીએમસીમાં વિરોધ પક્ષના નેતાનું પદ મળવું જોઈએ એવી માગણી કરી હતી. જોકે તેમની આ માગણી હાઈ કોર્ટે માન્ય ન રાખતાં તેમણે સુપ્રીમ કોર્ટમાં અરજી કરી હતી, જે ન્યાયમૂર્તિએ માન્ય નહોતી રાખી. અત્યારે આ પદ કૉન્ગ્રેસ પાસે છે. સુપ્રીમ કોર્ટના જજે પોતાનો ચુકાદો આપતાં કહ્યું હતું કે ‘રાજકારણમાં આજે તમે જેના મિત્ર છો, કાલે તેના મિત્ર નહીં હો. રાજકારણમાં આવું તો રોજ ચાલ્યા કરે.’
