એફડીઆઇ વિરુદ્ધ વ્યવસ્થિત આંદોલન ચલાવવા માટે બીજેપીએ યોજી વર્કશૉપ

Published: 4th October, 2012 05:16 IST

મલ્ટિ-બ્રૅન્ડ રીટેલમાં ફૉરેન ડાયરેક્ટ ઇન્વેસ્ટમેન્ટ (એફડીઆઇ)ને કેન્દ્ર સરકારે ૫૧ ટકા ઇન્વેસ્ટમેન્ટની મંજૂરી આપતાં બીજેપી એનો દેશભરમાં વિરોધ કરી રહી છે.

આ વિરોધ કરતા એના કાર્યકરો અને પદાધિકારીઓને એફડીઆઇ વિશે ઝીણવટભરી માહિતી મળી રહે એ માટે એક વર્કશૉપનું ગઈ કાલે દાદર (સેન્ટ્રલ)ના દાદાસાહેબ ફાળકે રોડ પર આવેલા બીજેપીના કાર્યાલય વસંતસ્મૃતિમાં આયોજન કરવામાં આવ્યું હતું.

આ વિશે જણાવતાં બીજેપીના મુંબઈના સેક્રેટરી વિવેકાનંદ ગુપ્તાએ કહ્યું હતું કે ‘એફડીઆઇ સામે વિરોધ કરતી વખતે એ શું છે,

એની વેપારીઓ પર શું અસર પડશે, લોકોએ આનો વિરોધ કેમ કરવો જોઈએ એની જાણ વિરોધ કરી રહેલા બીજેપીના કાર્યકરોને ખબર હોવી જોઈએ એટલે તેમને એ વિશે ઝીણવટભરી માહિતી આપવા આ વર્કશૉપનું આયોજન કર્યું હતું. એમાં જિલ્લાસ્તરના ૫૫૦ જેટલા પદાધિકારીઓએ હાજરી આપી હતી. વેન્કૈયા નાયડુ, સુધીર મુનગંટીવાર અને કિરીટ સૌમૈયાએ આ વર્કશૉપમાં કાર્યકરોને સંબોધી તેમને એ વિશે માહિતી આપી હતી.

બીજેપી = ભારતીય જનતા પાર્ટી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK