યુતિમાં ભંગાણ વિશે લાલ કૃષ્ણ અડવાણીને ગેરસમજ : શિવસેના

Published: 17th November, 2014 05:22 IST

શિવસેના અને ગ્થ્ભ્ની યુતિ તૂટવા વિશે ગ્થ્ભ્ના વરિષ્ઠ નેતા લાલ કૃષ્ણ અડવાણીએ શિવસેનાને જવાબદાર ગણાવ્યાના બે દિવસ બાદ શિવસેનાએ એના જવાબમાં રોષ વ્યક્ત કરતાં જણાવ્યું હતું કે અડવાણીને તેમની પાર્ટીએ યુતિમાં ભંગાણ થયું એની પૂરેપૂરી વિગતો આપી નથી.



તાજેતરમાં અડવાણીએ પટનામાં યોજાયેલા એક સંમેલનમાં જણાવ્યું હતું કે શિવસેનાના પક્ષપ્રમુખ ઉદ્ધવ ઠાકરેને તેમની યુતિમાં રહેવાની સલાહ ગમી નહોતી. શિવસેનાએ જણાવ્યું હતું કે ‘જ્યારે યુતિમાં વાતચીતમાં મુશ્કેલીઓ સામે આવી ત્યારે ઉદ્ધવજીએ સામેથી ફોન કરીને અડવાણીજીને પરિસ્થિતિનું વર્ણન કર્યું હતું. જો યુતિમાં ભંગાણ પડે તો અમને માફ કરજો એવી શાલિનતા ઉદ્ધવે દાખવી હતી.’

અડવાણીએ યુતિ તોડવા બદલ શિવસેનાને કારણભૂત જણાવતાં એના જવાબમાં શિવસેનાના સંજય રાઉતે શિવસેનાનો પક્ષ રજૂ કરતાં કહ્યું હતું કે ‘જો શિવસેનાએ દાયકાઓ જૂની યુતિ તોડવી હોત તો એણે  ગ્થ્ભ્ની ઓછી સીટો લડવાની માગણી સ્વીકારી ન હોત. હિદુત્વ પર આધારિત આ યુતિ જો અમારે તોડવી હોત તો અમે ઓછી સીટો સ્વીકારી ન હોત. જો અડવાણીજીને તેમની પાર્ટી પાસેથી પૂરી વિગતો મળી ન હોય તો એ વિગતો અમે તેમની સમક્ષ રજૂ કરીશું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK