સ્પેસ X પ્રોજેક્ટ : કચ્છના આકાશમાં દેખાઈ 60 સૅટેલાઇટની ટ્રેન

Published: Nov 15, 2019, 09:34 IST | Utsav Vaidh | Bhuj

સરહદી કચ્છની અમેરિકન કંપની સ્પેસ X દ્વારા ગઈ ૧૧ નવેમ્બરે ફ્લૉરિડાથી પ્રક્ષેપિત કરેલા ૬૦ જેટલા સૅટેલાઇટ્સની ચમકતી હારમાળા ગઈ કાલે રણકાંધીના પટ્ટામાં જોવા મળી હતી.

સૅટેલાઇટની ટ્રેન
સૅટેલાઇટની ટ્રેન

સરહદી કચ્છની અમેરિકન કંપની સ્પેસ X દ્વારા ગઈ ૧૧ નવેમ્બરે ફ્લૉરિડાથી પ્રક્ષેપિત કરેલા ૬૦ જેટલા સૅટેલાઇટ્સની ચમકતી હારમાળા ગઈ કાલે રણકાંધીના પટ્ટામાં જોવા મળી હતી.

રણકાંધીના ધોરડો, ખાવડાથી લઈ ભચાઉના ચોબારી સુધીના પટ્ટામાં આ ચમકતી હારમાળા દેખાતાં લોકોમાં કુતૂહલ વ્યાપી ગયું હતું. કચ્છ ઍસ્ટ્રોનોમી ક્લબના નરેન્દ્ર ગોરે  જણાવ્યું હતું કે સાંજે ૭.૨૯ મિનિટથી લઈ ૭.૩૨ના અરસામાં આ સ્ટારલિન્ક ટ્રેન વાયવ્ય ખૂણેથી દક્ષિણ દિશા તરફ જતી દેખાઈ હતી. 

ઉલ્લેખનીય છે કે ગઈ ૨૬ મેની રાત્રે પણ આ વિસ્તારોમાં સ્ટારલિન્ક ટ્રેનનો નજારો જોવા મળ્યો હતો. ૧૧ નવેમ્બરે સ્પેસ X દ્વારા ફ્લૉરિડાના ઍરફોર્સ સ્ટેશનથી આ ૬૦ સૅટેલાઇટ્સ ફાલ્કન રૉકેટથી એકસાથે લૉન્ચ કરવામાં આવ્યા હતા.

આ પણ વાંચો : બાપે કર્યું પાપ: 6 વર્ષની દીકરી પર ત્રણ વાર દુષ્કર્મ કર્યું

અમેરિકન કંપની સ્પેસ X દ્વારા ૨૦૧૫માં સ્ટારલિન્ક પ્રોજેક્ટ શરૂ કરવામાં આવ્યો છે. આ પ્રોજેક્ટનો આશય આકાશમાં હજારો સૅટેલાઇટ્સનું નક્ષત્ર રચી ગ્લોબલ સૅટેલાઇટ બ્રૉડબૅન્ડ નેટવર્ક સ્થાપવાનો છે. આ પ્રોજેક્ટને ઇન્ટરનેટ ઑફ ફ્યુચર પણ કહેવાય છે. કંપની દ્વારા હજારો સૅટેલાઇટ્સ ‘વેરી લો અર્થ ઑર્બિટ’થી લઈ પૃથ્વીની અલગ-અલગ ભ્રમણકક્ષામાં તરતા મૂકવામાં આવશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK