અંધેરીમાં BESTના કર્મચારીએ 16 વર્ષની છોકરીની છેડતી કરી
પ્રતીકાત્મક તસવીર
16 વર્ષની એક છોકરીની છેડતી કરવા બદલ અંધેરી પોલીસે બૃહન્મુંબઈ ઈલેક્ટ્રીક સપ્લાય એન્ડ ટ્રાન્સપોર્ટ (BEST)ના 38 વર્ષના એક કર્મચારીની ધરપકડ કરી છે. પોલીસે કહ્યું કે, આરોપીએ 27 સપ્ટેમ્બરે સાંજે પાંચ વાગ્યે નશાની હાલતમાં છોકરીની છેડતી કરી હતી.
હિન્દુસ્તાન ટાઈમ્સ સાથે વાત કરતા ઓફિસરે કહ્યું કે, આરોપીએ આ છોકરી પાસે પાણી માગ્યુ હતુ અને જ્યારે છોકરીએ પાણીનો ગ્લાસ તેને આપ્યો તે વખતે તેણે છેડતી કરી હતી.
ADVERTISEMENT
છોકરીનું કુટુંબ એક ઘરમાં ભાડેથી રહે છે જેનો ઘરમાલિક આ બેસ્ટનો કર્મચારી છે. ડીએન નગર પોલીસ સ્ટેશનમાં કરેલી પોલીસ ફરિયાદમાં પીડિતાએ કહ્યું કે, જ્યારે આરોપી ઘરે આવ્યો તો તેણે ઘરમાં આવીને પૂછ્યું કે ઘરે કોઈ છે કે નહીં. ઘરે કોઈ નથી એ વાતનો ફાયદો લેતા જ્યારે પાણીનો ગ્લાસ આપ્યો ત્યારે તેણે છેડતી કરી હતી.
પોલીસે કહ્યું કે, જે વખતે છોકરી પાણી લેવા કીચનમાં ગઈ ત્યારે આરોપી ઘરમાં આવ્યો અને તેણે જબરદસ્તી કરવાની કોશિશ કરી હતી. જોકે છોકરીએ જેમ તેમ તેનાથી છૂટી પડી અને તેના વાલીને સંપૂર્ણ ઘટનાની વાત કરી હતી.
