રાણીબાગમાં બિયરપાર્ટી

Published: Nov 06, 2011, 02:01 IST

ભાયખલા ઝૂમાં એક છીછરા તળાવમાંથી બિયરની બૉટલો મળી આવતાં મુલાકાતીઓને કોઈ પણ જાતની ખાદ્ય વસ્તુઓ સાથે પ્રવેશવા ન દેવાના ઝૂ ઑથોરિટીના દાવાનો છેદ ઊડી ગયો છે. જોકે ગયા વર્ષની સરખામણીમાં સુરક્ષાવ્યવસ્થામાં ઘણો સુધારો થયો હોવાનું એની મુલાકાત દરમ્યાન જાણવા મળ્યું હતું.

 

પોતાનું નામ જાહેર ન કરવાની શરતે ત્યાં કામ કરતા એક કર્મચારીએ કહ્યું હતું કે સ્ટાફના જ કોઈક કર્મચારીએ આ કાર્ય કરવામાં મુલાકાતીને મદદ કરી હશે.

ઝૂના પશુચિકિત્સક ડૉ. સંજય ત્રિપાઠીએ કહ્યું હતું કે ‘કોઈને પ્લાસ્ટિકની બૅગ પણ સાથે લઈ જવાની મનાઈ છે ત્યારે બિયરની બૉટલનો તો સવાલ જ ઉપસ્થિત નથી થતો. તમામ જાતની બૉટલોને પ્રવેશદ્વાર પાસે જ જપ્ત કરી લેવામાં આવે છે. જોકે આ બનાવ બાદ ઝૂની સુરક્ષા વધુ કડક બનાવી દેવામાં આવી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK