12 નવેમ્બરે દેશભરની બેંકો રહેશે બંધ

Published: 29th October, 2014 08:49 IST

દેશભરની બેંકોમાં 12 નવેમ્બરના રોજ હડતાળ રહેશે જેની અસર રોજબરોજના કામકાજ અને એટીએમ સેવાઓ પર પડશે.બેંક કર્મચારીઓના અનેક સંગઠનો અને ફેડરેશન યૂનાઈટેડ ફોરમ ઓફ બેંક યૂનિયન્સે વેતન વધારવા માટે એક દિવસની હડતાળની જાહેરાત કરી છે.

ફોરમમાં કર્મચારીઓના પાંચ યૂનિયન અને ઓફિસરોના ચાર એસોસિએશન છે.તેમણે 12 નવેમ્બરે એક દિવસની સાંકેતિક હડતાળની જાહેરાત કરી છે.તેઓની માંગણી છે કે તેમનું વેતન વધારવા અંગે તાત્કાલિક નિવેદન આપે.ઓલ ઈન્ડિયા બેંક એમ્પલોઈઝ યૂનિયનના મહાસચિવ સીએત વેંકટાચલમે કહ્યુ કે અમે 12 નવેમ્બરે હડતાળ પર ઉતરીશું.

ત્યારબાદ 2 ડિસેમ્બરે અમે ક્ષેત્રીય આધાર પર હડતાળ કરીશું. તેમણે કહ્યુ કે બેંક કર્મચારી બેંકોમાં નવી યોજનાઓ લાગૂ કરવામાં આનાકાની નથી કરતા,તેમ છતાં તેમને વધારે વેતન નથી મળી રહ્યુ.વેંકટાચલમે કહ્યુ છે કે દક્ષિણ વિસ્તારમાં 2 ડિસેમ્બરે,ઉત્તર વિસ્તારમાં 3 ડિસેમ્બરે અને પૂર્વ વિસ્તારમાં 4 ડિસેમ્બર તથા પશ્ચિમ વિસ્તારમાં 5 ડિસેમ્બરના રોડ હડતાળ રહેશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK