બાળ ઠાકરેનાં અસ્થિ આજે ચીરાબજારમાં

Published: 22nd November, 2012 06:37 IST

શિવસેનાની ઑફિસમાં સવારે ૧૦થી રાતે ૧૦ વાગ્યા સુધી ખુલ્લા કળશમાં અંતિમ દર્શન માટે રાખવામાં આવશે



શિવસેનાના સુપ્રીમો બાળ ઠાકરેના અંતિમ સંસ્કાર બાદ સાઉથ મુંબઈના ચીરાબજારના શિવસેનાના મધ્યવર્તી કાર્યાલયમાં મંગળવારે સાંજે ૫ વાગ્યે તેમનાં અસ્થિ સાઉથ મુંબઈના લોકોનાં દર્શન માટે લાવવામાં આવ્યાં હતાં. આ અસ્થિ ગઈ કાલે અને આજે એમ બે દિવસ માટે સવારે ૧૦થી સાંજના ૧૦ વાગ્યે સુધી દર્શન માટે ખુલ્લા કળશમાં રાખવામાં આવ્યાં છે. શિવસેનાનાં મહિલા વિભાગ-પ્રમુખ જયશ્રી બલ્લીકર અને વિભાગ-પ્રમુખ પાંડુરંગ સકપાળ દ્વારા આ અસ્થિ લાવવામાં આવ્યાં હતાં. શુક્રવારે બાળ ઠાકરેનાં આ અસ્થિનું ભારતની વિવિધ નદીઓમાં વિસર્જન કરવામાં આવશે.

આ પહેલાં ગયા શનિવારે બપોરે ૩.૩૩ વાગ્યે શિવસેનાના સુપ્રીમો બાળ ઠાકરેના અવસાન થયાની જાણ થતાંની સાથે જ સમગ્ર વિસ્તાર તેમ જ બધી દુકાનો બંધ થઈ ગઈ હતી. આ દુકાનો રવિવારે સ્વયંભૂ બંધ રહી હતી.

 તસવીર : સત્યજિત દેસાઈ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK