બાબુ બજરંગી પર જેલમાં હુમલો

Published: 20th September, 2012 06:09 IST

અમદાવાદ : ૨૦૦૨માં અમદાવાદમાં થયેલા નરોડા-પાટિયાકાંડના આરોપી બાબુ બજરંગી પર ગઈ કાલે સવારે સાબરમતી મધ્યસ્થ જેલમાં કેદીઓ દ્વારા હુમલો થયો હોવાની વાતથી ચકચાર મચી ગઈ હતી.


૨૦૦૮માં અમદાવાદમાં થયેલા બૉમ્બબ્લાસ્ટના આરોપીઓએ જેલમાં આવેલા દવાખાનામાં બાબુ બજરંગીને બે લાફા મારી દીધા હતા. જોકે જેલ-સુપરિન્ટેન્ડન્ટ આર. જે. પારગીએ ‘મિડ-ડે’ને કહ્યું હતું કે દવાખાનામાં કેદીઓ વચ્ચે બોલાચાલી થઈ હતી અને આ મુદ્દે બે જેલરની તપાસ-સમિતિ નીમી છે.

સાબરમતી મધ્યસ્થ જેલમાં આવેલા દવાખાનામાં ગઈ કાલે સવારે સાડાદસ વાગ્યાની આસપાસ બાબુ બજરંગી હાઇપર ડાયાબિટીઝ હોવાથી યુરિન અને બ્લડ-ટેસ્ટ માટે અને પગના અંગૂઠા પર વાગતાં એનું ડ્રેસિંગ કરાવવા ગયો હતો. દરમ્યાન અન્ય કેદીઓ પણ અહીં સારવાર માટે આવ્યા હતા જેમાં બૉમ્બબ્લાસ્ટના આરોપીઓ પણ હતા. આ દરમ્યાન કોઈ મુદ્દે ઘર્ષણ થતાં બાબુ બજરંગીને બૉમ્બબ્લાસ્ટના આરોપીઓએ બે ઝાપટ મારી દીધી હતી. મામલો વધુ બીચકે એ પહેલાં સિક્યૉરિટી ગાડ્ર્સે પરિસ્થિતિ કન્ટ્રોલમાં કરીને કેદીઓને છૂટા પાડી દીધા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK