એટીએમમાં બઝર ગોઠવવા પોલીસે આપી બૅન્કોને સલાહ
આ ઉપરાંત એટીએમ સેન્ટરની સુરક્ષા વધારવા માટે પણ સૂચના આપવામાં આવી છે. દાદરમાં જુલાઈ દરમ્યાન બે માણસોએ એટીએમ સેન્ટર પર હુમલો કરીને ત્યાંના સિક્યૉરિટી ગાર્ડ્સને ઘાયલ કર્યો હતો. જોકે તેઓ રોકડ રકમ કાઢવામાં સફળ થયા નહોતા, પરંતુ જતાં-જતાં ત્યાં મૂકેલું સીસીટીવી કૅમેરાનું રેકૉર્ડર લઈને ભાગી ગયા હતા એટલે એટીએમ સેન્ટર પર બઝર સિસ્ટમ બેસાડવા માટે જણાવવામાં આવ્યું છે. એ જ પ્રમાણે એટીએમ સાથે છેડછાડ થાય તો એનો મેસેજ સ્થાનિક પોલીસ-સ્ટેશનને મળી જાય એવી વ્યવસ્થા પણ કરવામાં આવશે.
એટીએમ = ઑટોમેટેડ ટેલર મશીન,
સીસીટીવી = ક્લોઝ્ડ-સર્કિટ ટેલિવિઝન
