યુવાનોને પોતાની સાથે જોડાવા કેજરીવાલનું આમંત્રણ

Published: 26th November, 2012 05:56 IST

તાજેતરમાં ‘આમ આદમી પાર્ટી’ નામના પક્ષની સ્થાપના કરનાર અરવિંદ કેજરીવાલે હવે યુવાનોને મોટી સંખ્યામાં પોતાના પક્ષમાં જોડાવાનું આમંત્રણ આપ્યું છે.

ગઈ કાલે રાજઘાટ ખાતે પક્ષના ટેકેદારોને સંબોધતાં અરવિંદ કેજરીવાલે કહ્યું છે કે ‘કૉન્ગ્રેસ અને ભારતીય જનતા પાર્ટી જેવા રાજકીય પક્ષો માત્ર લોકોને મત મેળવવા માટે તેમનો ઉપયોગ કરે છે પણ ક્યારેય તેમની દરકાર નથી કરતું. ભારતને બધા રાજકીય પક્ષોએ મળીને બહુ લૂંટ્યો છે. હવે યુવાનોએ આગળ આવીને સંસદમાં પોતાનું ખાસ સ્થાન બનાવવું પડશે. હું એટલે જ યુવાનોને આવતી કાલે જંતરમંતરમાં મારી રૅલીમાં હાજરી આપીને મારા પક્ષમાં જોડાવાનું અને આ રીતે પક્ષના સ્થાપક સભ્ય બનવાનું આમંત્રણ આપું છું.’

આ સિવાય ગઈ કાલે અરવિંદ કેજરીવાલે જાહેરાત કરી હતી કે તેઓ આગામી એક વર્ષ સુધી ભારતીય જનતા પાર્ટી અને કૉન્ગ્રેસની પોકળતા છતી કરવા માટે આખા દેશનો પ્રવાસ કરશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK