અરવલ્લી:ટેન્કર અને કાર વચ્ચેના અકસ્માતમાં 3ના મોત

અરવલ્લી | Apr 16, 2019, 10:49 IST

મોડાસા-હિંમતનગર રોડ પર થયેલા અકસ્માતમાં 3 લોકોના મોત નીપજ્યા છે, તો 3 લોકો ઈજાગ્રસ્ત થયા છે. મૃત્યુ પામનાર 3 વ્યક્તિઓ એક જ પરિવારના હોવાનું સામે આવ્યું છે.

અરવલ્લી:ટેન્કર અને કાર વચ્ચેના અકસ્માતમાં 3ના મોત
ઈકો કારને ટેન્કરે મારી ટક્કર (તસવીર સૌજન્યઃઅંકિત ચૌહાણ)

અરવલ્લીમાં વહેલી સવારે ગમખ્વાર અકસ્માતની ઘટના સામે આવી છે. મોડાસા-હિંમતનગર રોડ પર થયેલા અકસ્માતમાં 3 લોકોના મોત નીપજ્યા છે, તો 3 લોકો ઈજાગ્રસ્ત થયા છે. મૃત્યુ પામનાર 3 વ્યક્તિઓ એક જ પરિવારના હોવાનું સામે આવ્યું છે.

મળતી માહિતી પ્રમાણે મોડાસા તાલુકાના રસુલપુર પાસે અકસ્માત સર્જાયો છે. પૂરપાટ જતા દૂધના ટેન્કરે ઈકો કારને ટક્કર મારી. આ ટક્કર એટલી ખતરનાક હતી કે ઈકો કારમાં સવાર ત્રણ લોકોના મોત નીપજ્યા. તો અન્ય ત્રણ વ્યક્તિઓ ગંભીર રીતે ઈજાગ્રસ્ત છે. મૃતકો મુલોજ ગામના વતની હોવાનું માલૂમ પડ્યું છે.

આ મામલે મોડાસા રુરલ પોલીસે વધુ તપાસ હાથ ધરી છે.

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK