આર્મીનું ૧૦૦ કરોડ રૂપિયાથી વધારેનું કૌભાંડ

Published: 24th October, 2012 04:48 IST

સંરક્ષણ મંત્રાલયના ઇન્ટર્નલ ઑડિટમાં ૨૦૦૯થી ૨૦૧૧ સુધીના સમયગાળા દરમ્યાન આર્મીના જુદા-જુદા કમાન્ડરો દ્વારા કરવામાં આવેલા ખર્ચને કારણે સરકારી તિજોરીને ૧૦૦ કરોડ રૂપિયાથી વધારેનું નુકસાન પહોંચ્યું હોવાનું બહાર આવ્યું છે.


આ હકીકત બહાર આવતાં સંરક્ષણપ્રધાન એ. કે. ઍન્ટનીએ તત્કાળ તપાસનો આદેશ આપ્યો હતો. આર્મીએ જોકે દાવો કર્યો છે કે વિવિધ ખરીદીઓ માટે ૧૦૦ કરોડ રૂપિયાથી વધારેના ખર્ચમાં નિયમોનો ભંગ થયો નથી.

આર્મીના કમાન્ડરોને સૈન્યની તત્કાળ જરૂરિયાત પૂરી કરવા માટે ૧૨૫ કરોડ રૂપિયા સુધીનો ખર્ચ કરવાની ખાસ સત્તા આપવામાં આવેલી છે. સંરક્ષણ મંત્રાલયે કમાન્ડરો દ્વારા કરવામાં આવેલા ખર્ચની તપાસ કરવા કન્ટ્રોલર ઑફ ડિફેન્સ અકાઉન્ટ્સ (સીડીએ)ને આદેશ આપ્યો છે. હાલના આર્મી ચીફ જનરલ બિક્રમ સિંહ ૨૦૦૯થી ૨૦૧૧ દરમિયાન કલકત્તા સ્થિત ઈસ્ર્ટન કમાન્ડના વડા હતા. રિપોર્ટમાં જણાવવામાં આવ્યું છે કે જે બાયનોક્યુલર જેવી અનેક આઇટમો ભારતમાં સસ્તામાં ઉપલબ્ધ હોવા છતાં ઊંચી કિંમતે વિદેશમાંથી ખરીદવામાં આવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK