સોશ્યલ મીડિયા પર વધુ એક વિચિત્ર વાનગીનો જંગ મંડાયો

Published: 10th October, 2020 08:25 IST | Mumbai correspondent | Mumbai

નામ છે મસાલા ચાય ‌આઇસક્રીમ વિથ પરાઠા

સોશ્યલ મીડિયા પર વધુ એક વિચિત્ર વાનગીનો જંગ મંડાયો
સોશ્યલ મીડિયા પર વધુ એક વિચિત્ર વાનગીનો જંગ મંડાયો

સોશ્યલ મીડિયા બિનજરૂરી ચર્ચાઓ અને પંચાતો માટે કુખ્યાત હતું અને એમાં છેલ્લા ૬ મહિનાથી કોરોનાના લૉકડાઉનની નવરાશ ઉમેરાઈ છે. સોશ્યલ નેટવર્કિંગ સાઇટ્સ પર લોકો ઘેરબેઠાં કરેલા વાનગીઓના અવનવા પ્રયોગો રજૂ કરે અને એની ચર્ચાના નામે જાણે જંગ મંડાયો હોય એ રીતે બે પક્ષ પડી જાય છે. ભૂતકાળમાં સ્વીટ મૅગી વિથ મિલ્ક ઍન્ડ રોઝ, ચૉકલેટ સમોસાં પાઉં ઍન્ડ ફ્રાઇડ ચિકન ડીપ્ડ ઇન ચૉકલેટ સૉસ જેવી વાનગીઓ સોશ્યલ નેટવર્કિંગ સાઇટ્સ પર ચર્ચાસ્પદ બની ચૂકી છે. હવે મસાલા ચાય આઇસક્રીમ વિથ શુગર લેસ્ડ પરાઠા વિવાદનો વિષય બન્યાં છે.
ઓવૈસ સિદ્દીકી નામના ટ્વિટર-યુઝરે નાસ્તામાં ચા સાથે પરોઠાના જાણીતા કૉમ્બિનેશનને ધ્યાનમાં રાખીને ખાંડ ભભરાવેલા પરોઠાની સાથે મસાલા ચાય આઇસક્રીમનો પ્રયોગ પોસ્ટ કર્યો હતો. એમાં મસાલા ચાની ફ્લેવર ધરાવતા આઇસક્રીમના સ્કૂપ્સને પરાઠાની અંદર ગોઠવીને પીરસવામાં આવ્યાં છે. આ વિડિયો સાથે મૂકવામાં આવેલી તસવીરો કેટલાકને બહુ જ ગમી છે, પરંતુ જે કૉમ્બિનેશન રજૂ થયું છે એના વિશે જબરા મતમતાંતર પ્રવર્તી રહ્યા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK