આનંદીબહેન પટેલે ૧,૧૦,૩૯૫ વોટની જંગી સરસાઈથી સૌથી મોટી જીત મેળવી

Published: 21st December, 2012 03:28 IST

ગુજરાત વિધાનસભાની ચૂંટણીમાં અમદાવાદની ઘાટલોડિયા બેઠક પરથી ચૂંટણી લડેલાં બીજેપીનાં અગ્રણી આનંદીબહેન પટેલે તેમના હરીફ કૉન્ગ્રેસના ઉમેદવાર રમેશ પટેલ સામે ૧,૧૦,૩૯૫ની લીડ સાથે સૌથી વધુ મતના માર્જિનથી વિજય મેળવ્યો હતો.



ગુજરાત બીજેપી સરકારમાં મહેસૂલપ્રધાન આનંદીબહેન પટેલે આ વખતે તેમની બેઠક બદલી હતી. તેમણે ગઈ ચૂંટણીમાં પાટણની બેઠક પરથી ચૂંટણી લડીને જીત મેળવી હતી, પરંતુ આ વખતે બેઠક બદલીને બીજેપીની સૌથી સેફ ગણાતી અને નવા સીમાંકન બાદ સરખેજ બેઠકમાંથી નવી બનેલી ઘાટલોડિયાની બેઠક પસંદ કરી હતી.

આનંદીબહેન પટેલને ચૂંટણીમાં મતદારોએ ખોબલે-ખોબલે મત આપ્યા છે એવું એટલા માટે કહી શકાય કે તેમને કુલ ૧,૫૪,૫૯૯ મત મળ્યાં છે, જ્યારે કૉન્ગ્રેસના ઉમેદવાર રમેશ પટેલને ૪૪,૨૦૪ મત મળ્યાં છે એટલે આનંદીબહેન પટેલને ૧,૧૦,૩૯૫ મતની સરસાઈ મળી હતી અને સૌથી વધુ મતથી તેમણે વિજય મેળવ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK