અજિત ડોભાલે સ્થાનિક લોકો સાથે મુલાકાત કરી
રાષ્ટ્રીય સુરક્ષા સલાહકાર અજિત ડોભાલે હિંસા પ્રભાવિત ઉત્તર-પૂર્વ દિલ્હીના સીલમપુર અને મૌજપુરનો પ્રવાસ કર્યો છે. આ પહેલાં તેમણે સીલમપુર ડીસીપી ઑફિસમાં અધિકારીઓ સાથે બેઠક કરી હતી. બેઠક બાદ અજિત ડોભાલ સ્થાનિક નાગરિકોને મળ્યા હતા. અજિત ડોભાલે એક મહિલા સાથે વાત કરતાં કહ્યું કે ‘પ્રેમની ભાવના બનાવી રાખો, અમારો એક દેશ છે, અમારે બધાએ મળીને રહેવું જોઈએ. દેશને મળીને આગળ વધારવાનું છે. ડોભાલ રાત્રે સાડા ૧૧ વાગ્યે સીલમપુર ડીસીપી ઑફિસ પહોંચ્યા અને ૧૨.૩૦ સુધી બેઠક બાદ ૮ કિલોમીટર સુધીની સફર ખેડીને તનાવપૂર્ણ વિસ્તારોમાં ગયા. જ્યાં તેઓ ભજનપુરા, મૌજપુર અને યમુના વિહાર જેવા વિસ્તારોમાં પણ ગયા. તેમણે ગાડીમાં બેસીને જ સ્થિતિનું નિરીક્ષણ કર્યું.