અમદાવાદ: ધુળેટી પર્વમાં ઉત્તર ગુજરાતના વીસનગરમાં યોજાયું ખાસડા યુદ્ધ

Published: Mar 11, 2020, 11:22 IST | Ahmedabad

વર્ષોથી વીસનગરમાં ધુળેટીના દિવસે ખાસડા યુદ્ધ યોજાય છે અને હજારો નાગરિકો એકઠા થઈ સામસામે ખાસડાં ફેંકીને નિર્દોષ આનંદ માણે છે

વર્ષોથી વીસનગરમાં ધુળેટીના દિવસે ખાસડા યુદ્ધ યોજાય છે
વર્ષોથી વીસનગરમાં ધુળેટીના દિવસે ખાસડા યુદ્ધ યોજાય છે

ગુજરાત સહભસ્મિત આખા ભારતમાં ગઈ કાલે ધુળેટી પર્વની હર્ષોલ્લાસથી ઉજવણી કરવામાં આવી હતી અને અબીલગુલાલથી એકબીજાને રંગીને હોળીના પર્વની ઉજવણી કરી હતી ત્યારે ઉત્તર ગુજરાતના વીસનગરમાં ગઈ કાલે ધુળેટી પર્વ પર ખાસડા યુદ્ધ થયું હતું. આ યુદ્ધ ધુળેટીની ઉજવણીના ભાગરૂપે થયું હતું અને એમાં હજારો નાગરિકોએ એકબીજા પર જૂનાં જૂતાં ફેંકીને ખાસડા યુદ્ધ કર્યું હતું. કોઈ પણ જાતની તકરાર વગર ખેલાતા આ ખાસડા યુદ્ધમાં સમગ્ર વીસનગરના નાગરિકો નાતજાતના ભેદભાવ વગર એકઠા થઈને ખાસડા યુદ્ધનો આનંદ માંણ્યો હતો.

વર્ષોથી વીસનગરમાં ધુળેટીના દિવસે ખાસડા યુદ્ધ યોજાય છે અને હજારો નાગરિકો એકઠા થઈ સામસામે ખાસડાં ફેંકીને નિર્દોષ આનંદ માણે છે. ખાસડું પોતાને વાગે એ માટે નાગરિકો પ્રયાસ કરે છે, કેમ કે એવી લોકવાયકા છે કે ખાસડું વાગે તો વર્ષ સારું જાય છે. જોકે હવે ખાસડા યુદ્ધમાં જૂનાં ખાસડાંની સાથે-સાથે ટમેટા, રવૈયા, રીંગણા જેવી શાકભાજી પણ ફેંકાવાની શરૂઆત થઈ છે.

આ પણ વાંચો : સુરતમાં ધુળેટીનો તહેવાર બન્યો ગમગીન: તાપી નદીમાં ડૂબી જવાથી પાંચનાં મોત

વીસનગરમાં રહેતા અતુલ પટેલે ‘મિડ ડે’ને કહ્યું હતું કે ‘વર્ષોથી ખાસડા યુદ્ધની આ પરંપરા ચાલી આવે છે. લગભગ બસો વર્ષ કરતાં વધુ વર્ષોથી અમારા ગામમાં આ ખાસડા યુદ્ધ રમાતું આવ્યું છે. ખાસડા યુદ્ધ માટે નાગરિકો આખું વર્ષ જૂનાં બૂટ–ચંપલ એકઠાં કરી રાખે છે. ધુળેટીના દિવસે સવારના સમયે મુખ્ય બજારમાં નાગરિકો જૂનાં ખાસડાં લઈને આવી જાય છે અને એકબીજા પર છુટ્ટાં ખાસડાં ફેંકવામાં આવે છે. પોતાને ખાસડું વાગે એવું બધા ઇચ્છે છે, કેમ કે એવી લોકવાયકા છે કે ખાસડું વાગે તો વર્ષ સારું જાય છે. એટલે નાગરિકો તેમને ખાસડું વાગે એની રાહ જોતા હોય છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK