Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > સર્જિકલ સ્ટ્રાઇક 2 પછી ટોરેન્ટ પર 'ઉરી' ફિલ્મના ડાઉનલોડમાં થયો વધારો

સર્જિકલ સ્ટ્રાઇક 2 પછી ટોરેન્ટ પર 'ઉરી' ફિલ્મના ડાઉનલોડમાં થયો વધારો

26 February, 2019 08:29 PM IST |

સર્જિકલ સ્ટ્રાઇક 2 પછી ટોરેન્ટ પર 'ઉરી' ફિલ્મના ડાઉનલોડમાં થયો વધારો

ફિલ્મનું પોસ્ટર

ફિલ્મનું પોસ્ટર


આજે સવારે ઇન્ડિય એરફોર્સે એલઓસી પાર કરીને પાકિસ્તાનમાં આવેલા જૈશ-એ-મોહમ્મદના આતંકી ઠેકાણાઓ પર એર સ્ટ્રાઇક કરી. ખબરો પ્રમાણે, આ એર સ્ટ્રાઇકમાં ભારતીય વાયુસેનાએ 1000 કિલો બોમ્બનો ઉપયોગ કર્યો હતો, જેમાં આશરે 300 આતંકીઓ માર્યા ગયા. આજે સવારથી જ એર સ્ટ્રાઇકના સમાચારો ટીવીથી લઈને ઇન્ટરનેટ સુધી ટ્રેન્ડ કરી રહ્યા હતા.

તેની સાથે જ ઇન્ટરનેટની દુનિયામાં એક વિચિત્ર ઘટના પણ ઘટી. તેના વિશે કદાચ જ કોઈએ વિચાર્યું હશે. હકીકતમાં ઇન્ડિયન એરફોર્સની એર સ્ટ્રાઇક પછી ફિલ્મ ઉરી: ધ સર્જિકલ સ્ટ્રાઇકને લોકો Torrent (ટોરેન્ટ) પર ઝડપથી સર્ચ કરવા લાગ્યા.



તેનું કારણ છે સોશિયલ મીડિયા પર ઇન્ડિયન એરફોર્સ દ્વારા કરવામાં આવેલી એર સ્ટ્રાઇકને લોકો સર્જિકલ સ્ટ્રાઇક 2 કહેવા લાગ્યા. એટલા માટે લોકો ઇન્ટરનેટ પર મોટી સંખ્યામાં આદિત્ય ધર દ્વારા નિર્દેશિત આ ફિલ્મને સર્ચ કરવા લાગ્યા.


આ ફિલ્મ વર્ષ 2016માં ઉરી હુમલા પછી ભારતીય સેના દ્વારા પાકિસ્તાનના 7 આતંકી ઠેકાણાઓ પર કરવામાં આવેલી સર્જિકલ સ્ટ્રાઇક પર બેઝ્ડ હતી. આ ફિલ્મમાં યામી ગૌતમ અને વિક્કી કૌશલ લીડ રોલમાં જોવા મળ્યા હતા.

આ પણ વાંચો: સર્જિકલ સ્ટ્રાઇક 2: પાકિસ્તાને કર્યો ભારતીય ફિલ્મોનો બોયકોટ


આજે સવારથી જ ટ્વિટર પર લોકો #IndianAirforce, #Surgicalstrike2, #IndianAirForce, #IndiaStrikesBack, #airstrike, #BharatMataKiJai, #Mirage2000 આ તમામ હેશટેગ્સ દ્વારા ઇન્ડિયન એરફોર્સને અભિનંદન આપી રહ્યા છે.

પુલવામા હુમલા પછી પણ ઉરી: ધ સર્જિકલ સ્ટ્રાઇકની ટિકિટો ફટાફટ વેચાવા લાગી હતી. લોકો ભારતીય સેનાની શૌર્યગાથા જોવા માટે આ ફિલ્મની ટિકિટો બુક કરી રહ્યા હતા.

Whatsapp-channel Whatsapp-channel

26 February, 2019 08:29 PM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK