આધાર કાર્ડ ઘણું ઉપયોગી : કેન્દ્રીય ગૃહમંત્રાલયે રાજ્યોને લખી જણાવ્યું

Published: Oct 27, 2014, 05:43 IST

અગાઉની યુનાઇટેડ પ્રોગ્રેસિવ અલાયન્સ સરકારના વલણને એકદમ ફેરવી તોળતાં કેન્દ્રીય ગૃહ મંત્રાલયે આધાર કાર્ડ યોજનાને સંપૂર્ણ ટેકો આપ્યો છે અને જણાવ્યું છે કે આધાર કાર્ડને લીધે એના લાભકર્તાની પ્રમાણભૂતતા ગમે તે સમયે, ગમે ત્યાં અને ગમે તે રીતે ચકાસી શકાશે. આધાર કાર્ડ દરેક ભારતીય નાગરિક માટે સાર્વભૌમ ઓળખ છે.



આ બાબતે રાજ્ય સરકારોને લખેલા એક પત્રમાં ગૃહ મંત્રાલયે જણાવ્યું હતું કે આધાર કાર્ડમાં એક વ્યક્તિને એક નંબર ફાળવવામાં આવ્યો હોવાથી તે વ્યક્તિની આંતરરાષ્ટ્રીય ઓળખની ચકાસણી શક્ય બને છે.

આધાર કાર્ડને લીધે વંચિત તથા જરૂરતમંદ લોકો સુધી બૅન્કિંગ જેવી સુવિધાઓ પહોંચાડી શકાય છે. આધાર કાર્ડ વ્યક્તિની ભૌગોલિક તથા બાયોમેટ્રિક માહિતી પર આધારિત હોવાથી બોગસ આઇડેન્ટિટી કે ફ્રૉડનું જોખમ રહેતું નથી એવું પણ ગૃહ મંત્રાલયે જણાવ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK