આ સિગારની લંબાઈ ૮૧.૮ મીટર

ક્યુબામાં હોઝે કાસ્ટલર કૈરો નામની આ વ્યક્તિએ ૮૧.૮ મીટર લાંબી સિગાર બનાવીને ગિનેસ વર્લ્ડ રેકૉર્ડ્સમાં સ્થાન નોંધાવ્યું છે. વિશ્વની સૌથી લાંબી સિગાર બનાવીને તે પાંચમી વખત ગિનેસ વર્લ્ડ રેકૉર્ડ્સમાં નામ નોંધાવી રહ્યો છે.

આ પહેલાં તેણે ૨૦૦૧, ૨૦૦૩, ૨૦૦૫ અને ૨૦૦૮માં પણ રેકૉર્ડ બનાવ્યો હતો. તેણે મે મહિનામાં આ સિગાર ક્યુબામાં ૩૧મા ઇન્ટરનૅશનલ ટૂરિઝમ ફેરમાં રજૂ કરી હતી. વિશ્વની સૌથી લાંબી સિગાર બનાવવા બદલ ગિનેસ વર્લ્ડ રેકૉર્ડ્સ દ્વારા તેને ૨૪ નવેમ્બરે સર્ટિફિકેટ આપવામાં આવશે.