ઘાટકોપરના ગૃહસ્થના મોતના વિરોધમાં પરિવારજનો કાઢશે સતત ત્રણ દિવસ શાંતિયાત્રા

Published: 6th November, 2011 02:04 IST

ગુરુવારે સવારે ઘાટકોપર (ઈસ્ટ)ની વલ્લભબાગ લેનમાં આવેલી આનંદ મિલન સોસાયટીમાં રહેતા ૫૪ વર્ષના જૈન ગૃહસ્થ કીર્તિ મહેતાને ટ્રાફિકપોલીસની ટોઇંગ વૅને દામજી શામજી ચોક અને વલ્લભબાગ લેનના કૉર્નર પર અડફેટે લેતાં તેમનું મૃત્યુ થયું હતું.

 

એને લીધે આરટીઓ (રીજનલ ટ્રાન્સપોર્ટ ઑફિસ) સિસ્ટમના વિરોધમાં કીર્તિ મહેતાના કુટુંબીજનો અને શુભેચ્છકોએ ગઈ કાલે સાંજે ૭.૧૫ વાગ્યે તેમના નિવાસસ્થાનથી ઘટનાસ્થળ સુધી એક શાંતિયાત્રા કાઢી હતી. આ સમયે હાજર રહેલા સૌએ સફેદ કપડાં પહેયાર઼્ હતાં અને સ્થાનકવાસી જૈન ધર્મની પરંપરા પ્રમાણે મોઢા પર મુંહપત્તી બાંધી હતી.

આ શાંતિયાત્રામાં કીર્તિ મહેતાનાં ૮૫ વર્ષનાં માત્ાુશ્રી જયા મહેતા, તેમના ૮૧ વર્ષના કાકા હરિભાઈ મહેતા અને ૭૯ વર્ષનાં કાકી સવિતા મહેતા સાથે પાંચ વર્ષનો દોહિત્ર અક્ષત મડિયા પણ જોડાયો હતો. સ્થાનિક નગરસેવક ભાલચંદ્ર શિરસાટ સહિત અનેક સામાજિક કાર્યકરો આ યાત્રામાં જોડાયા હતા. આવી શાંતિયાત્રા તેઓ ત્રણ દિવસ સુધી રોજ કાઢશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK