કસબની સુરક્ષા પાછળ ખરેખર ૫૦ કરોડનો ખર્ચ

જો કે આ કેસ સાથે સંકળાયેલી પોલીસ તેમ જ અન્ય ઉચ્ચ અધિકારીઓના મતે મુંબઈ પર ૨૦૦૮ની ૨૬ નવેમ્બરે થયેલા હુમલાના આરોપી કસબની આર્થર રોડ જેલમાં સુરક્ષા પાછળ ૪૮ કરોડ ૭૫ લાખ રૂપિયાનો ખર્ચો થયો છે. હોમ ડિપાર્ટમેન્ટે ખર્ચના આંકડાઓ જાહેર કરવામાં ચોકસાઈ રાખી ન હોવાનું પ્રાથમિક તપાસમાં જ ખબર પડી જાય છે, કારણ કે જેલમાં સ્પેશ્યલ સેલ બનાવવાનો ખર્ચ ૮ કરોડ રૂપિયા હતો, જ્યારે જે. જે. હૉસ્પિટલમાં સ્પેશ્યલ પ્રિઝન વૉર્ડ બનાવવાનો ખર્ચ દોઢ કરોડ રૂપિયા થયો હતો. ઇન્ડો-તિબેટિયન બૉર્ડર પોલીસ ર્ફોસને કસબની સુરક્ષાની જવાબદારી સોંપવામાં આવી હોવાથી તેમના ખર્ચાનું બિલ ભલે સરકારે રજૂ કર્યું હોય, પરંતુ અહીં રાખવામાં આવેલી સ્ટેટ રિઝર્વ પોલીસનું બિલ સરકારે રજૂ નથી કર્યું.