આતંકવાદી મોહમ્મદ મુસ્તકીમના ઘરેથી 30 કિલો વિસ્ફોટક,સુસાઈડ જેકેટ્સ મળ્યા
યૂસુફના ઉત્તર પ્રદેશના બલરામપુર સ્થિત ઘરમાંથી ભારે પ્રમાણમાં વિસ્ફોટક અને બોમ્બ બનાવવાનો સામાન જપ્ત કર્યો છે.
દિલ્હી પોલીસ (Delhi Police)ની સ્પેશ્યિલ સેલએ રવિવારે ISISના આતંકવાદી મોહમ્મદ મુસ્તકીમ ઉર્ફ અબ્દુલ યૂસુફ ઉર્ફ અબૂ યૂસુફના ઉત્તર પ્રદેશના બલરામપુર સ્થિત ઘરમાંથી ભારે પ્રમાણમાં વિસ્ફોટક અને બોમ્બ બનાવવાનો સામાન જપ્ત કર્યો છે.આ સ્પેશ્યિલ ટીમે કહ્યું કે, ઘરમાં બે સુસાઈડ જેકેટ્સ, એક સુસાઈડ બેલ્ટ, વિસ્ફોટક સહિત ઘણી ઘાતકી ચીજો મળી આવી છે.
મોહમ્મદ મુસ્તકીમના ઘરેથી પોલીસને ચોકલેટી અને બ્લુ કલરનું જેકેટ મળ્યું છે. ચોકલેટી કલરના જેકેટમાં ત્રણ અને બ્લુ કલરની જેકેટમાં ચાર વિસ્ફોટકોના પેકેટ હતા. જોકે આ જેકેટ્સમાંથી વિસ્ફોટકને સાવધાનીપૂર્વક અલગ કરી દેવાયો છે. વિસ્ફોટકોના પેકેટ્સને ટ્રાન્સપરન્ટ ટેપથી બાંધી હતી. કાર્ડબોર્ડ શીટને બોલ બેરિંગથી ચિપકાવ્યું હતું. આનાથી ઈલેક્ટ્રીક વાયર્સ જોડાયેલા હતા.
ADVERTISEMENT
Incriminating materials including a brown colour jacket containing 3 explosive packets and a blue colour check jacket containing 4 explosive packets which were removed safely, leather belt containing explosive 3 Kg approx recovered:PramodKushwaha, Delhi Dy Commissioner of Police https://t.co/uskqoVxvJD pic.twitter.com/Mb1ibWAe0N
— ANI UP (@ANINewsUP) August 23, 2020
આ આતંકવાદીના ઘરેથી અત્યારસુધીમાં 30 કિલો વિસ્ફોટક મળી આવ્યું છે. એક લેધરનો બેલ્ટ છે જેમાં ત્રણ કિલો વિસ્ફોટક છે. ચાર પૉલિથીનમાં આઠથી નવ કિલો વિસ્ફોટક છે. ત્રણ સિલિન્ડર જેવાં મેટલ બોક્સ પણ જપ્ત કરવામાં આવ્યા છે, આમાં બોલ બેરિંગ લાગેલી હતી. એક લાકડીનું બોક્સ જે ટાર્ગેટ બોક્સ હતું. એક ISISનો ઝંડો, અલગ અલગ માપની 30 બોલ બેરિંગ મળી છે.
ઉપરાંત એક એમ્પીયર મીટર, બે આયર્ન બ્લેડ એકબીજાથી જોડાયેલી હતી જેથી વિજળીના તારને જોડી શકાય. એક વાયર કટર, બે મોબાઈલ ચાર્જર, ટેબલ અલાર્મ, જે વીજળીની તારથી કનેક્ટ હતું અને એક કાળી ટેપ મળી છે. આમ બે પ્રેશર કુકરમાં 15-15 કિલો વિસ્ફોટક હતો, જે પોલીસે તાબામાં લીધા છે.