Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > 26/11 આતંકી હુમલાના માસ્ટર માઇન્ડ લખવીની પાકિસ્તાનમાં ધરપકડ

26/11 આતંકી હુમલાના માસ્ટર માઇન્ડ લખવીની પાકિસ્તાનમાં ધરપકડ

02 January, 2021 06:13 PM IST | Lahore
Gujarati Mid-day Online Correspondent | gmddigital@mid-day.com

26/11 આતંકી હુમલાના માસ્ટર માઇન્ડ લખવીની પાકિસ્તાનમાં ધરપકડ

તસવીર સૌજન્ય: જાગરણ

તસવીર સૌજન્ય: જાગરણ


26/11 ના મુંબઈ આતંકી હુમલાના માસ્ટર માઈન્ડ અને લશ્કરના આતંકવાદી ઝકીઉર રેહમાન લખવી (Zaki-ur-Rehman Lakhvi)ની પાકિસ્તાનમાં ધરપકડ કરવામાં આવી છે. સમાચાર એજન્સી પીટીઆઈએ અધિકારીઓના હવાલાથી આ માહિતી આપી છે. ઝાકીઉર રેહમાન લખવીએ હાફિઝ સઇદ સાથે મળીને 26/11 ના હુમલાનું કાવતરું ઘડ્યું હતું.

આતંકવાદી સંગઠન લશ્કર-એ-તૈયબાના ઓપરેશન કમાન્ડર ઝકીઉર રેહમાન લખવીને મુંબઈ હુમલા બાદ વર્ષ 2008માં યુએનએસસીના ઠરાવ હેઠળ સંયુક્ત રાષ્ટ્ર દ્વારા વૈશ્વિક આતંકવાદી તરીકે નામ આપવામાં આવ્યું હતું. મુંબઇ હુમલાની તપાસ દરમિયાન ખુલાસો થયો કે, લખવીએ જ હાફિઝ સઈદ સાથે મળીને આતંકી હુમલાની સંપૂર્ણ યોજના તૈયાર કરી હતી.



26/11 ના મુંબઈ આતંકી હુમલા કેસમાં 2015થી જામીન પર રહેલા ઝકીઉર રેહમાન લખવીની આતંકવાદ વિરોધી વિભાગ (સીટીડી)એ ધરપકડ કરી છે. જોકે, સીટીડીએ લખવીની ધરપકડના સ્થાનનો ઉલ્લેખ કર્યો નથી. સીટીડી પંજાબ દ્વારા કરવામાં આવેલા ગુપ્તચર આધારિત ઓપરેશન બાદ લશ્કર-એ-તૈયબાની મુખ્ય સંસ્થાના પ્રમુખ કમાન્ડર ઝકીઉર રેહમાન લખવીને આતંકવાદને નાણાં આપવાના આરોપમાં ધરપકડ કરવામાં આવી છે. લખવીની પંજાબ પ્રાંતના સીટીડી દ્વારા ધરપકડ કરવામાં આવી છે.


તમને જણાવી દઈએ કે, આતંકવાદ વિરોધી વિભાગએ પહેલા જ મુંબઈ હુમલાના માસ્ટર માઇન્ડ અને જમાત-ઉલ-દાવાના વડા હાફિઝ સઇદ વિરુદ્ધ મની લોન્ડરીંગ અને આતંકવાદી ધિરાણના આરોપ હેઠળ બે ડઝનથી વધુ કેસ નોંધ્યા છે.


Whatsapp-channel Whatsapp-channel

02 January, 2021 06:13 PM IST | Lahore | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK