૪૪ વાર ચડ-ઊતર કરીને ૬ જણના ગ્રુપે બનાવ્યો રેકૉર્ડ

Published: 22nd December, 2014 05:30 IST

૧૨૦૦ પગથિયાં ચડવાની સ્પર્ધામાં નવ વર્ષના બાળકથી લઈ ૮૨ વર્ષના સિનિયર સિટિઝન સહિત ૩૦૦ લોકોએ ભાગ લીધો




દાદર (વેસ્ટ)માં આવેલા કોહિનૂર સ્ક્વેર બિલ્ડિંગમાં ગઈ કાલે ૧૨૦૦ પગથિયાં ચડવાની ‘ટાવર રનિંગ’ નામની યોજાયેલી સ્પેશ્યલ સ્પર્ધામાં ૩૦૦થી વધુ લોકોએ ઉત્સાહપૂર્વક ભાગ લીધો હતો. બાવન માળના આ બિલ્ડિંગના દાદર ચડવામાં ૮૨ વર્ષના દાદાજીથી લઈને ૯ વર્ષના છોકરાનો સમાવેશ થાય છે. ગઈ કાલે આ ઇવેન્ટમાં ‘એવરેસ્ટ ચૅલેન્જર’ ગ્રુપમાં ૬ લોકોના ગ્રુપે ૪૪ વખત આ દાદરા ચડ-ઊતર કરીને બૅન્ગલોરનો રેકૉર્ડ તોડ્યો હતો.

મુંબઈમાં બીજી વખત યોજાયેલી આ પ્રકારની સ્પર્ધાર્ સવારે ૭ વાગ્યાથી શરૂ થઈ હતી અને ૩૦૦થી પણ વધુ લોકોએ ભારે સ્ફૂર્તિ સાથે બાવન માળના બિલ્ડિંગના દાદરા ચડ-ઊતર કર્યા હતા જેમાં ‘ડેશ’ નામની કૅટેગરીની આ સ્પર્ધામાં ૮૨ વર્ષના જનાર્દન રઘુનાથે ભાગ લીધો હતો અને તેઓ ૧૨૦૦ પગથિયાં ૧૫ મિનિટ અને ૩૦ સેકન્ડમાં ચડી ગયા હતા. આ કૅટેગરીમાં સ્પર્ધકે ફક્ત એક વખત દાદરા ચડીને ઊપર જવાના હોય છે તો ‘એવરેસ્ટ ચૅલેન્જર’ નામની કૅટેગરીની રેસમાં ૩ કલાક ૧ મિનિટ અને ૪ સેકન્ડમાં ૬ જણની ટીમમાં દરેક જણે ૩ વખત ચડ-ઊતર કરીને કુલ ૪૪ વખત દાદરા ચડ-ઊતર કરીને બૅન્ગલોરની ૬ જણની ટીમનો ૩ કલાક અને ૧૩ મિનિટનો રેકૉર્ડ તોડ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK